ភ្នំពេញ៖ ហេតុការណ៍មួយបានកើតឡើង បន្ទាប់ពីមានអគ្គិភ័យមួយបានឆាបឆេះផ្ទះប្រជាពលរដ្ឋ១កន្លែង បានបង្កឲ្យមានការភ្ញាក់ផ្អើលដល់ប្រជាពលរដ្ឋដែលធ្វើដំណើរ ខណៈនោះក៏ត្រូវកម្លាំងសមត្ថកិច្ចរាយការណ៍ជូន រថយន្តពន្លត់អគ្គិភ័យចុះអន្តរាគមន៍ភ្លាមៗ។

ករណីអគ្គិភ័យឆាបឆេះនេះកើតឡើងនៅវេលាម៉ោង៦ព្រឹកថ្ងៃទី២៦ ខែសីហា ឆ្នាំ២០១៦ នៅត្រង់ចំណុចផ្ទះលេខ៤E0  ដែលមានយីហោ «ធា មាង» លក់គ្រឿងភ្លេង និងជួសជុលទូរទស្សន៍ ម៉ាញ៉េ តាមបណ្ដោយផ្លូវ២១៧ ភូមិ៧ ក្រុម៤៤ នៅក្បែរផ្សារធំថ្មី សង្ការផ្សារថ្មីទី២ ខណ្ឌដូនពេញ។

សូមបញ្ជាក់ផងដែរថា ករណីគ្រោះអគ្គិភ័យនេះ កើតឡើងដោយមូលហេតុឆ្លងចរន្តអគ្គិសនី និងបង្កឲ្យមានការខូចខាតបំផ្លាញសម្ភារមួយចំនួន។

សម្រាប់ប្រតិបត្តិការពន្លត់អគ្គិភ័យខាងលើនេះ កម្លាំងសមត្ថកិច្ចនិងអាជ្ញាធរប្រើរថយន្តពន្លត់អគ្គិភ័យចំនួន៥គ្រឿង៕

ដោយ៖ ស ដារ៉ា