Napoli បានឈ្នះពាន Serie A លើកទីពីររបស់ពួកគេក្នុងរយៈពេល 3 រដូវកាលកាលពីថ្ងៃសុក្រ
ហើយក៏ពានលើកទី4របស់ពួកគេដែរបន្ទាប់ពីយកឈ្នះ
2-0 ក្នុងផ្ទះលើក្រុម Cagliari ខណៈដែលអ្នកគាំទ្ររាប់សែននាក់បានអបអរពេញទីក្រុងឆ្នេរសមុទ្រ Campania ។
ខ្សែបម្រើ Scott McTominay របស់ស្កុតឡេនបានស៊ុតបាល់បញ្ចូលទីទាត់បាល់យ៉ាងអស្ចារ្យដើម្បីជួយ Napoliនាំមុខលើភ្ញៀវក្នុងតង់ទី១ហើតខ្សែប្រយុទ្ធ
Lukakuបន្ថែមមួយគ្រាប់ទៀតនៅក្នុងតង់ទី២ធ្វើឱ្យNapoliបានបីពិន្ទុបន្ថែមទៀតដោយសរុបទាំង38ប្រកួតមាន82ពិន្ទុលើស1ពិន្ទុក្រុមលេខ2 Inter Milan ដែលបានយកឈ្នះ 2-0លើក្រុម Comoនៅថ្ងៃចុងក្រោយផងដែរ។
Napoli ធ្លាប់ឈ្នះជើងឯកក្របខ័ណ្ឌកំពូលរបស់អ៉ីតាលីនៅឆ្នាំ1986-87, 1989-90 និង 2022-23រួចមកហើយ។
សម្រាប់លោកគ្រូបង្វឹក Conte ឥឡូវនេះគាត់បានឈ្នះពានរង្វាន់ Serie A ជាមួយនឹងក្រុមបីផ្សេងគ្នាដោយធ្លាប់បានដឹកនាំ Juventus និង Inter Milan ឈ្នះពាននេះផងដែរ។
