ជនសង្ស័យស្រីអាយុ 39 ឆ្នាំម្នាក់បានចាក់សម្លាប់មនុស្សដោយចៃដន្យនៅស្ថានីយរថភ្លើងធំក្នុងទីក្រុង Hamburg ធ្វើឱ្យមនុស្ស 17 នាក់រងរបួសក្នុងនោះ 4 នាក់របួសធ្ងន់។

ការវាយប្រហារនេះបានកើតឡើងនៅវេលាម៉ោង៦ល្ងាច នៅថ្ងៃទី 23 ខែឧសភានៅវេទិកា 13 និង 14 នៅស្ថានីយកណ្តាល Hamburg ដែលជាទីក្រុងធំទីពីររបស់ប្រទេសអាល្លឺម៉ង់។
នាយកដ្ឋានពន្លត់អគ្គិភ័យទីក្រុង Hamburg បាននិយាយថា ជនសង្ស័យជាស្ត្រីអាយុ 39 ឆ្នាំបានធ្វើសកម្មភាពតែម្នាក់ឯង ហើយ “ហាក់ដូចជាបានកំណត់គោលដៅដោយចៃដន្យលើអ្នកដំណើរដែលកំពុងរង់ចាំ” ។ ជនសង្ស័យត្រូវបានចាប់ខ្លួននៅកន្លែងកើតហេតុដោយគ្មានការប្រឆាំង។
ករណីចាក់សម្លាប់មនុស្ស១៧នាក់ ក្នុងនោះរបួសធ្ងន់៦នាក់ និងរបួសស្រាល៧នាក់ ។ មន្ត្រីបាននិយាយថា ជនសង្ស័យមិនទំនងជាមានចេតនានយោបាយទេ ហើយប្រហែលជាមានជំងឺវិកលចរិតធ្ងន់ធ្ងរ ប៉ុន្តែមិនទាន់សន្និដ្ឋាននៅឡើយទេ។
រូបភាពពីកន្លែងកើតហេតុបានបង្ហាញពីជនរងគ្រោះមួយចំនួនកំពុងត្រូវបានព្យាបាលនៅក្នុងរថភ្លើងរង់ចាំនៅស្ថានីយ។ ស្ថានីយចំនួនបួនត្រូវបានបិទបន្ទាប់ពីការវាយប្រហារដែលបណ្តាលឱ្យមានការពន្យារពេល និងបង្ខំឱ្យរថភ្លើងជាច្រើនត្រូវប្តូរផ្លូវ។
ស្ថានីយកណ្តាល Hamburg គឺជាស្ថានីយដ៏មមាញឹកបំផុតរបស់ប្រទេសអាឡឺម៉ង់ ដែលបម្រើអ្នកដំណើរចំនួន 550,000 នាក់ក្នុងមួយថ្ងៃ។ ស្ថានីយនេះគឺជាចំណុចផ្ទេរដ៏សំខាន់សម្រាប់រថភ្លើងនៅក្នុងតំបន់។
អាល្លឺម៉ង់បានឃើញការវាយប្រហារដោយហិង្សាជាបន្តបន្ទាប់ក្នុងរយៈពេលប៉ុន្មានខែថ្មីៗនេះ។ កាលពីសប្តាហ៍មុន មនុស្សបួននាក់បានរងរបួសក្នុងការចាក់សម្លាប់នៅបារមួយក្នុងទីក្រុង Bielefeld ភាគពាយ័ព្យ។ នៅទីក្រុងប៊ែរឡាំង ក្មេងប្រុសអាយុ 13 ឆ្នាំម្នាក់ត្រូវបានចាប់ខ្លួនកាលពីថ្ងៃទី 23 ឧសភា បន្ទាប់ពីចាក់សម្លាប់មិត្តរួមថ្នាក់នៅក្នុងស្រុក Spandau ៕ ដោយធីរីណា

រូបថត​: AFP