ខេត្តកំពង់ស្ពឺ ៖ នៅថ្ងៃចន្ទ ១៥រោច ខែពិសាខ ឆ្នាំម្សាញ់ សប្តស័ក ព.ស. ២៥៦៩ ត្រូវនឹង ថ្ងៃទី២៦ ខែឧសភា ឆ្នាំ២០២៥ កំលាំងនគរបាលទទួលបានព័ត៌មានពី
កំលាំងមហាជនល្អដែលបានរាយការណ៍អំពីមុខសញ្ញារក្សាទុកសារធាតុញៀនពង្វក់ក្មេងៗ ។
ដោយអនុវត្ដតាមបទបញ្ជានិងការចង្អុលណែនាំពីលោកឧត្ដមសេនីយ៍ទោ ឃឹម សុកខៃ ស្នងការនគរបាលខេត្ដកំពង់ស្ពឺ កំលាំងនគរបាលផ្នែកប្រឆាំងគ្រឿងញៀន នៃអធិការដ្ឋាននគរបាលស្រុកសំរោងទង បានស៊េីបអង្កេតស្រាវជ្រាវឃាត់មុខសញ្ញាជួញដូរដោយខុសច្បាប់នូវសារធាតុញៀន ២នាក់ នៅទីតាំងផ្សេងគ្នា÷
គោលដៅទីមួយ នៅចំណុចភូមិអូរវែង ឃុំកាហែង ស្រុកសំរោងទង ខេត្តកំពង់ស្ពឺ ឈ្មោះ ឆែ លីហួត ភេទប្រុស អាយុ ៣៥ឆ្នាំ នៅភូមិផ្សារត្រពាំងក្រឡឹង ឃុំគីរីវ័ន្ធ ស្រុកភ្នំស្រួច ខេត្តកំពង់ស្ពឺ ដកហូតវត្ថុតាង ម្សៅក្រាមព័ណ៌សថ្លាសង្ស័យជាគ្រឿងញៀនចំនួន៥កញ្ចប់តូច,ម៉ូតូ១ គ្រឿង ទូរសព្ទដៃ ១គ្រឿង។
សមត្ថកិច្ចបានបន្ដឈានទៅ ឃាត់មុខសញ្ញា ឈ្មោះ ហុង បញ្ញា ភេទប្រុស អាយុ២២ឆ្នាំ នៅចំណុចភូមិសំបួរ ឃុំមហាសាំង ស្រុកភ្នំស្រួច ខេត្តកំពង់ស្ពឺ ដកហូតវត្ថុតាង ម្សៅក្រាមព័ណ៌សថ្លាសង្ស័យជាគ្រឿងញៀនចំនួន ៥កញ្ចប,ទូរសព្ទដៃ ១គ្រឿង។
តាមការបញ្ជាក់ពីលោកវរសេនីយ៍ឯក ឃុត សុផល អធិការនគរបាលស្រុកសំរោងទង ថា ក្នុងប្រតិបត្តិការ ខាងលេី មុខសញ្ញាសង្ស័យ ២នាក់ ជាអ្នកចែកចាយសារធាតុញៀន ត្រូវបានឃាត់ខ្លួននិងធ្វេីការឆែកឆេរដកហូតបានគ្រឿងញៀនចំនួន ១០កញ្ចប់ , ម៉ូតូ១គ្រឿង, ទូរស័ព្ទ ២គ្រឿង។
បច្ចុប្បន្នសមត្ថកិច្ចបានធ្វើការសាកសួរ កសាងសំណុំរឿងបញ្ជូនជនសង្ស័យទាំង២នាក់ រួមជាមួយវត្ថុតាង មកការិយាល័យប្រឆាំងបទល្មើសគ្រឿងញៀន ខេត្តកំពង់ស្ពឺ ចាត់ការតាមនីតិវិធីច្បាប់៕
