ខេត្តបន្ទាយមានជ័យ ៖ យុវជន២នាក់ដើរពេលយប់ ត្រូវក្មេងទំនើង១ក្រុមមានគ្នា៤នាក់យកដុំថ្មគប់ចំកណ្តាលទ្រូងបណ្តាលស្លាប់ម្នាក់ភ្លាមៗនិងកន្លែងកាលពីយប់ថ្ងៃទី៣០ ខែឧសភា ឆ្នាំ២០២៥ភូមិដូនមូល ឃុំរហាត់ទឹក ស្រុកមង្គលបូរី ខេត្តបន្ទាយមានជ័យ ។
លោកវរៈសេនីយ៍ទោ ឌី ទាវ អធិការនគរបាលស្រុកមង្គលបូរីបានឱ្យដឹងថា ជនរងគ្រោះឈ្មោះ ប៉ុក សុខនី ភេទប្រុស អាយុ១៥ឆ្នាំ រស់នៅភូមិកើតហេតុខាងលើ។
លោកបានបញ្ជាក់ថា យុវជន២នាក់ដើរពេលយប់ទៅផ្ទះ ស្រាប់តែមានក្មេងទំនើង១ក្រុមជិៈម៉ូតូ៣គ្រឿងមានគ្នា៤នាក់ បានយកដុំថ្មគប់ទៅលើជនរងគ្រោះដែលកំពុងដើរថ្មើជើងតាមផ្លូវបណ្តាលឱ្យចំម្នាក់ រត់បាន២០ម៉ែត្រដួលសន្លប់បាត់មាត់បាត់ក ចំណែកក្មេងទំនើងបានបើកម៉ូតូគេចខ្លួនអស់ ។ ដោយឡែកមិត្តភក្តិដែលដើរជាមួយជនរងគ្រោះ រត់ទៅគ្រាហ៍ជនរងគ្រោះ និងស្រែកឱ្យអ្នកជិតខាងជួយ លុះពេលអ្នកជិតខាងចេញមកមើល ជនរងគ្រោះបានដាច់ខ្យល់ស្លាប់បាត់ទៅហើយ ។
លោកវរៈសេនីយ៍ទោ ឌី ទាវ បានបញ្ជាក់ថា ក្រោយទទួលព័ត៌មានអាជ្ញាធរកម្លាំងប៉ុស្តិ៍នគនរបាលរហាត់ទឹកបានចេញទៅដល់ក្មេងទំនើងដែលបង្កគេចខ្លួនបាត់អស់ នៅសល់តែជនរងគ្រោះ ។
ក្រោយកម្លាំងជំនាញអធិការដ្ឋាននគរបាលស្រុកមង្គលបូរីទៅដល់ពិនិត្យជនរងគ្រោះបានស្លាប់ដោយត្រូវដុំថ្មគប់ចំទ្រូងបណ្តាលស្លាប់ភ្លាមៗ និងប្រគល់សាកសពយុវជនរងគ្រោះជូនសាច់យកទៅធ្វើបុណ្យ ហើយកម្លាំងជំនាញស្រាវជ្រាវឃាត់ខ្លួនជនសង្ស័យ៣នាក់ត្រូវបាននាំយកសាកសួរនិងអនុវត្តតាមនីតិវិធីនិងស្រាវជ្រាវរកចាប់ ខ្លួនជនជនសង្ស័យបន្តដើម្បីអនុវត្តន៍តាមច្បាប់ ៕
