ភ្នំពេញ៖ បុរសម្នាក់បានស្លាប់ភ្លាមៗនៅកន្លែងកេីតហេតុនិងម្នាក់ទៀតបានរងរបួសធ្ងន់ត្រូវបានរថយន្តកងសង្គ្រោះបន្ទាន់៧១១កងពលតូចលេខ៧០ដឹកយកទៅមន្ទីរពេទ្យភ្លាមៗ ក្រោយជួបគ្រោះថ្នាក់ចរាចរណ៍ជិះម៉ូតូបុករថយន្តពីក្រោយ កាលពីវេលាម៉ោង៤និង២៣នាទី ថ្ងៃទី១៣ ខែមិថុនា ឆ្នាំ២០២៥ នៅផ្លូវវេងស្រេង ភូមិត្រពាំងថ្លឹង សង្កាត់ចោមចៅ២ ខណ្ឌពោធិ៍សែនជ័យ រាជធានីភ្នំពេញ។
ជនរងគ្រោះដែលស្លាប់ឈ្មោះ ស្រាល ជាងអុី ភេទប្រុស អាយុ៣២ឆ្នាំ ទីលំនៅបច្ចុប្បន្ន ភូមិថ្មពេជ្រឃុំថ្មពេជ្រស្រុកត្បូងឃ្មុំខេត្តត្បូងឃ្មុំ ។ ចំណែក ម្នាក់ទៀត ភេទប្រុស មិនស្គាល់អត្តសញ្ញាណ (រងរបួសធ្ងន់)បញ្ជូនទៅមន្ទីរពេទ្យ ។
តាមប្រភពព័ត៌មានបានឲ្យដឹងថា មុនពេលកេីតហេតុគេបានឃេីញរថយន្តដឹកទឹកក ម៉ាកគាពណ៌ ខៀវ ពាក់ផ្លាកលេខ ភ្នំពេញ2O 1274 ធ្វេីដំណេីរតាមបណ្តោយផ្លូវចោមចៅ(វេងស្រេង)ក្នុងទិសដៅពីលិចទៅកេីតខណៈមកដល់ចំណុចកេីតហេតុក៏អែបខាងដេីម្បីដាក់ទឹកកឲ្យម៉ូយភ្លាមនោះស្រាប់តែមានម៉ូតូហុងដាស្កូបពី ពណ៌សពាក់ផ្លាកលេខ ត្បូងឃ្មុំ1N 0871 ជិះដោយបុរស២នាក់ធ្វេីដំណេីរមកពីក្រោយលឿនមិនប្រយ័ត្នក៏ជ្រុលបុករថយន្តពីក្រោយពេញទំហឹងបណ្តាលឲ្យអ្នកជិះម៉ូតូស្លាប់ម្នាក់រងរបួសធ្ងន់ម្នាក់។
ក្រោយកេីតហេតុជនរងគ្រោះដែលរងរបួសត្រូវបាន
រថយន្តសង្គ្រោះរបស់អង្គភាព៧១១ កងពលតូចលេខ៧០ ដឹកបញ្ជូនទៅមន្ទីរពេទ្យព្រះកុសុមះ ចំណែកសពជនរងគ្រោះត្រូវបានសមត្ថកិច្ចទាក់ទងទៅក្រុុមគ្រួសារមកទទួលយកទៅធ្វេីបុណ្យតាមប្រពៃណី ដោយឡែករថយន្តនិងម៉ូតូសមត្ថកិច្ចវាស់វែងយកទៅរក្សាទុកនៅការិយាល័យចរាចរណ៍ផ្លូវគោកនៃស្នងការដ្ឋាននគរបាលរាជធានីភ្នំពេញរងចាំដោះស្រាយពេលក្រោយ៕
ដោយ៖សុខាសែនជ័យ
