ឃាត់ខ្លួនជនសង្ស័យចំនួន ០៤នាក់ ពាក់ព័ន្ធករណីលួចម៉ូតូ នៅក្រុងបាត់ដំបង

ចែករំលែក៖

ខេត្តបាត់ដំបង៖ ស្នងការដ្ឋាននគរបាលខេត្តបាត់ដំបង នៅល្ងាចថ្ងៃទី២១ ខែមិថុនា ឆ្នាំ២០២៥នេះ បានបង្ហាញមុខជនសង្ស័យចំនួន ០៤នាក់ ពាក់ព័ន្ធករណីលួចម៉ូតូនៅក្រុងបាត់ដំបង រួចយកទៅលាក់ទុកនៅខេត្តកំពង់ស្ពឺ ។

ប្រភពដដែលបន្តថា ចាប់ពីថ្ងៃទី១៥ ខែមិថុនា ឆ្នាំ២០២៥រហូតមកអនុវត្តតាមបទបញ្ជាលោកឧត្តមសេនីយ៍ទោ ដាញ់ អេងប៊ុនចាន់ ស្នងការ នៃស្នងការដ្ឋាននគរបាលខេត្តបាត់ដំបង និងដោយមានការសម្របសម្រួលលេីនីតិវិធីពី លោក កែវ សុជាតិ ព្រះរាជអាជ្ញា នៃអយ្យការអមសាលាដំបូងខេត្តបាត់ដំបងផងនោះ លោក វរសេនីយ៍ឯក ឈឿង គឹមសុង ស្នងការរង ផែនការងារនគរបាលព្រហ្មទណ្ឌ លោក វរសេនីយ៍ឯក ចៀក ថានិន នាយការិយាល័យ នគរបាលព្រហ្មទណ្ឌកម្រិតស្រាល បានដឹកនាំកម្លាំងក្រុមអន្តរាគមន៍ បង្ការ-បង្ក្រាប និងកម្លាំងអធិការដ្ឋាននគរបាលក្រុងបាត់ដំបង ដែលដឹកនាំដោយ លោក វរសេនីយ៍ឯក ពេជ្រ សារ៉ែន ជាអធិការ សហការជាមួយកម្លាំងការិយាល័យនគរបាលព្រហ្មទណ្ឌកម្រិតស្រាល នៃស្នងការដ្ឋាននគរបាលខេត្តកំពង់ស្ពឺ ដែលដឹកនាំដោយ លោក ឧត្តមសេនីយត្រី រស់ រដ្ឋា ជាស្នងការរង កម្លាំងអធិការដ្ឋាននគរបាលក្រុងឧដុង្គម៉ែជ័យ ដែលដឹកនាំដោយលោក វរសេនីយទោ ជុន សុឃួន ជាអធិការ សមត្ថកិច្ចបានចុះប្រត្តិបត្តិការបង្ក្រាបករណី លួចមានស្ថានទម្ងន់ទោស ( កាច់សោរ ក យកម៉ូតូ ) ០១ ករណី និងបានធ្វើការនាំខ្លួនជនសង្ស័យបានសរុប ០៤ នាក់មកកាន់ស្នងការដ្ឋាននគរបាលខេត្តបាត់ដំបង បន្ទាប់ពីពួកគេធ្វេីសកម្មភាពកាច់កម៉ូតូ កាលពីថ្ងៃទី១៥ ខែមិថុនា ឆ្នាំ២០២៥ នៅក្រុងបាត់ដំបង ហេីយជិះគេចយកទៅលាក់ទុកនៅខេត្តកំពង់ស្ពឺ។