ភ្នំពេញ៖ បុរស២នាក់រងរបួសធ្ងន់និងស្រាលខណៈជិះម៉ូតូលឿនជ្រុលទៅបុកនិងរថយន្តតូយ៉ូតាព្រុសនៅផ្លូវបំបែកជាបួនយ៉ាងពេញទំហឹង កាលពីវេលាម៉ោង៤និង៣០នាទីទៀបភ្លឺថ្ងៃទី៤ ខែកក្កដា ឆ្នាំ២០២៥ តាមបណ្ដោយផ្លូវព្រះមុនីវង្សកែងផ្លូវ៤៦៦ សង្កាត់បឹងត្របែក ខណ្ឌចំការមន រាជធានីភ្នំពេញ ។
តាមប្រភពព័ត៌មានពីកន្លែងកើតហេតុ បានអោយដឹងថា មុនពេលកេីតហេតុ គេបានឃើញបុរសម្នាក់បានបេីករថយន្តម៉ាកតូយ៉ូតាពណ៌ពណ៌ទឹកប្រាក់ ពាក់ស្លាកលេខ ភ្នំពេញ2BN3526 បេីកធ្វើដំណើរតាមបណ្ដោយតាមព្រះមុនីវង្សទិសដៅពីជេីងទៅត្បូងខណៈមកដល់ចំណុចផ្លូវបំបែកជាបួន ស្រាប់តែបុរស២នាក់បានជិះម៉ូតូម៉ាក ស៊ុយសុគីនិចបានជិះបោះពួយតាមបណ្ដោយតាម ៤៦៦ទិសដៅពីកើតទៅលិចល្បឿនលឿនព្រមទាំងខ្វះការប្រុងប្រយ័ត្ន ជ្រុលទៅបុកនិងរថយន្តយ៉ាងពេញទំហឹង បណ្ដាលឲ្យម៉ូតូរងការខូចខាតផ្នែកខាងមុខព្រមទាំងធ្វើឲ្យបុរសជាអ្នកបេីករបួសបោកក្បាលទៅកញ្ចាក់រថយន្តរបួសធ្ងន់ចំនែកអ្នកអង្គុយខាងក្រោយរងរបួសធ្ងន់ ក៏ត្រូវបានបញ្ជូនទៅសង្គ្រោះនៅមន្ទីរពេទ្យភ្លាមៗផងដែរ ។
ដោយឡែករថយន្តរងការខូចខាតផ្នែកខាងមុខចំហៀងខាងឆ្វេង និងបែកកញ្ចក់មុខ តែមិនគ្រោះថ្នាក់ដល់មនុស្សដែរជិះក្នុងរថយន្តនោះទេ ហើយអ្នកបេីកបរក៏មិនបានគេចទៅណាដែរ ។
ក្រោយកេីតហេតុអត់មានដំណោះស្រាយ មធ្យោបាយត្រូវសមត្ថកិច្ចជំនាញចរាចរណ៍វាស់វែងយកទៅរក្សាទុកនៅការិយាល័យនគរបាលចរាចរណ៍ផ្លូវគោករង់ចាំដំណោះស្រាយនៅពេលក្រោយ ៕
ដោយ៖សុខាសែនជ័យ
