ខេត្តកំពង់ស្ពឺ៖ អនុវត្ដតាមបទបញ្ជាគោលការណ៍ណែនាំពីលោកឧត្ដមសេនីយ៍ទោ ឃឹម សុកខៃ ស្នងការ នគរ បាលខេត្ដកំពង់ស្ពឺ និងបានការសម្របសម្រួលនីតិវិធី។
អយ្យការ អមសាលាដំបូងខេត្ដកំពង់ស្ពឺ សមត្ថកិច្ចនគរបាល អធិការដ្ឋាននគរបាលស្រុកភ្នំស្រួច ដឹកនាំដោយលោកវរសេនីយ៍ទោ ជុន ចន្ទដេត អធិការ នគរបាលស្រុក ថ្ងៃទី០៣ ខែកក្កដា ឆ្នាំ២០២៥ វេលាម៉ោង០៩និង១០នាទី នៅចំណុចផ្ទះសំណាក់ជាសួរ ស្ថិតនៅភូមិទី ៤ ឃុំត្រែងត្រយឹងស្រុកភ្នំស្រួចកំលាំងជំនាញស្រុកភ្នំស្រួច ជាមួយកំលាំងប៉ុស្តិ៍នគរបាលរដ្ឋបាលត្រែងត្រយឹង បានស្រាវជ្រាវនិងឈានទៅឃាត់ខ្លួនមុខសញ្ញាសង្ស័យចំនួន០៤នាក់ ៖
១-ឈ្មោះ ស៊ឹម វណ្ណ ភេទប្រុស អាយុ ១៨ឆ្នាំ រស់នៅភូមិពង្រ ឃុំធម្មតាអរ ស្រុកសំរោងទង,២-ឈ្មោះ រឿង ឈុនលាង ហៅ ឈីត ភេទប្រុស អាយុ២៤ឆ្នាំ រស់នៅភូមិរំដួល៨៨ ឃុំអូរ ស្រុកភ្នំស្រួច,៣-ឈ្មោះ វង់ ដែន ភេទស្រីអាយុ១៧ឆ្នាំ ស្នាក់នៅភូមិទី៤ ឃុំត្រែងត្រយឹង ស្រុកភ្នំស្រួចនិង៤-ឈ្មោះ អុល លីហ្សា ភេទស្រី អាយុ១៧ ឆ្នាំ ស្នាក់នៅភូមិទី៤ ឃុំត្រែងត្រយឹង ស្រុកភ្នំស្រួច។
ផ្អែកតាមចម្លើយរបស់ឈ្មោះ រឿង ឈុនលាង ហៅឈីត សមត្ថកិច្ចបានបន្ដឃាត់មុខសញ្ញាទី ៥-ឈ្មោះ ខាត់ ខន ហៅអ៊ូកភេទប្រុស អាយុ៣២ឆ្នាំ រស់នៅភូមិផ្សារតាឡាត់ ឃុំអូរ ស្រុកភ្នំស្រួច និងទី ៦- ឈ្មោះ ចន ចាន់នឿន ភេទប្រុស អាយុ៤២ឆ្នាំ រស់នៅភូមិត្រពាំងអូល ឃុំព្នាយ ស្រុកសំរោងទង ។
ជាក់ស្ដែងក្នុងប្រតិបត្តិការសមត្ថកិច្ច ដកហូតវត្ថុតាងរួម មាន៖ -ជនសង្ស័យ ០៦នាក់ ស្រី០២ -ម្សៅក្រាមពណ៌សថ្លា២០កញ្ចប់(តូច១៧ មធ្យម០៣)-ទូរស័ព្ទដៃ៣ គ្រឿង -ម៉ូតូ០១គ្រឿង-ដាវកែច្នៃ០២ដើម កាំភ្លើងកែច្នៃ០១ដើម -សម្ភារៈសំរាប់ប្រើប្រាស់ និងវេចខ្ចប់មួយចំនួន។
បច្ចុប្បន្នបានកសាងសំណុំរឿងបញ្ជូនមុខសញ្ញា និងវត្ថុតាង ទៅការិយាល័យជំនាញ នៃស្នងការដ្ឋាននគរបាលខេត្ដកំពង់ស្ពឺ ចាត់ការតាមនីតិវិធីបន្ដ៕
