ខេត្តតាកែវ៖ លោកស្រីប្រធានគណៈកម្មាធិការសាខាកាកបាទក្រហមកម្ពុជាខេត្តកាកែវ តំណាងឲ្យលោក ប្រធានកិត្តិយសសាខាខេត្ត និងចូលរួមជាមួយអនុសាខាក្រុងដូនកែវ កាលពីថ្ងៃទី២៩ ខែសីហា ឆ្នាំ២០១៦ បានចុះសួរសុខទុក្ខគ្រួសារដែលមានកូនភ្លោះបីនាក់ប្រុសទាំងបី មានប្តីឈ្មោះ ឡេង វណ្ណឌី អាយុ៣៦ឆ្នាំ និងប្រពន្ធឈ្មោះ អាន បុប្ផា អាយុ២៥ឆ្នាំ រស់នៅភូមិ ត្រពាំងឫស្សី សង្កាត់បារាយណ៍ ក្រុងដូនកែវ ខេត្តតាកែវ។

គ្រួសារនេះធ្លាប់បានទទួលអំណោយពីសម្តេចតេជោ រួចហើយម្តងហើយ ប៉ុន្តែដោយមើលឃើញជីវភាពខ្វះខាតទើបសាខាសម្រេចផ្តល់អំណោយដើម្បីសម្រាលទុក្ខលំបាកបន្ថែមទៀត ។

លោកស្រី ប្រធានសាខា បាននាំយកអំណោយផ្តល់ជូនរួមមាន សម្ភារ:ប្រើប្រាស់ គ្រឿងឧបភោគ-បរិភោគ និងថវិកាមួយចំនួន ៕

ដោយ៖ សីលា