ភ្នំពេញ ៖ ជនសង្ស័យ២នាក់ ធ្វើសកម្មភាពឆក់ ទូរស័ព្ទដៃពីបុរសម្នាក់កំពុងជិះម៉ូតូ បានសម្រេចហើយត្រូវជនរងគ្រោះជិះម៉ូតូដេញតាម រហូតដួល ត្រូវបានសន្តិសុខនឹងសមត្ថកិច្ចនគរបាលឃាត់បានភ្លាមៗ កាលពីវេលាម៉ោង ៩នឹង២០នាទីយប់ ថ្ងៃទី៧ ខែកក្កដា ឆ្នាំ២០២៥ នៅតាមបណ្ដោយ ផ្លូវ១០០៣ ទល់មុខផ្សារអីអន២ ដែលស្ថិតនៅសង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ ។
តាមប្រភពពត៌មានពីជនរងគ្រោះបាននិយាយប្រាប់ថានៅមុនពេលកេីតហេតុជនរងគ្រោះជិះម៉ូតូម៉ាកស៊ុយសូគីនិច ពណ៌ទឹកប្រាក់ពាក់ស្លាកលេខភ្នំពេញ 1GG-5615ធ្វើដំណើរតាមបណ្តោយផ្លូវ១០០៣ ក្នុងទិសដៅពីជេីងទៅត្បូង លុះមកដល់ចំណុចកើតហេតុ
ស្រាប់តែមាន ហេីយជនសង្ស័យ២នាក់ជិះម៉ូតូម៉ាក ស៊ុយសូគីនិចពណ៌សលាយលឿង ពាក់ស្លាកលេខភ្នំពេញ1IH-9959 ធ្វើដំណើរតាមមកពីក្រោយ រួចធ្វេីសកម្មភាពឆក់ទូរសព្ទដៃជនរងគ្រោះ បានហេីយព្យាយាមបេីករត់ពីកន្លែងកើតហេតុ ។ ជនរងគ្រោះបន្តថា បន្ទាប់មកជនរងគ្រោះបានជិះម៉ូតូដេញតាម កៀរ ជនសង្ស័យ រហូត ជនសង្ស័យដួលទាំងម៉ូតូជនរងគ្រោះនឹងម៉ូតូជនសង្ស័យ បណ្តាលឲ្យ ជនសង្ស័យម្នាក់បាក់ដៃម្ខាង ត្រូវបានជនរងគ្រោះឃាត់បានម្នាក់ ចំណែកជនសង្ស័យម្នាក់ទៀតរត់គេចខ្លួន តែត្រូវបានសមត្ថកិច្ចនឹងសន្តិសុខនាំគ្នាឃាត់បានភ្លាមៗ។ទូរស័ព្ទដែលជនសង្ស័យឆក់នោះ ម៉ាក iPhone 12 Pro Max ។
ក្រោយពេលកេីតហេតុសមត្ថកិច្ចនគរបាលជំនាញព្រហ្មទណ្ឌខណ្ឌសែនសុខបាននាំជនសង្ស័យម្នាក់យកទៅសួរនាំ ចំណែកជនសង្ស័យម្នាក់ទៀតបាក់ដៃម្ខាងត្រូវបានសមត្ថកិច្ចនគរបាលខណ្ឌសែនសុខបញ្ជូនទៅសង្គ្រោះបន្ទាន់នៅមន្ទីរពេទ្យព្រះកុសមៈ ដើម្បីបន្តតាមនីតិវិធីច្បាប់បន្ត ៕
ដោយ ៖សុខាសែនជ័យ
