ខេត្តកំពង់ស្ពឺ ៖ ព្រឹកថ្ងៃទី១០ ខែកក្កដា ឆ្នាំ២០២៥ វេលាម៉ោង០៨និង៥០នាទី នៅលើផ្លូវជាតិលេខ៤ ចន្លោះគីឡូម៉ែត្រ ៧១-៧២ ស្ថិតនៅភូមិផ្សារតាឡាត់ ឃុំអូរ ស្រុកភ្នំស្រួច មានម៉ូតូ១គ្រឿង ម៉ាកហុងដា កំលាំង១២៥សេសេ ពណ៌ខ្មៅ ពាក់ផ្លាកលេខកំពង់ស្ពឺ1M-0409 បើកបរដោយឈ្មោះ ផាត បូរិន ភេទប្រុស អាយុ ១៧ឆ្នាំ មានទីលំនៅភូមិចេក ឃុំអូរ ស្រុកភ្នំស្រួច ខេត្តកំពង់ស្ពឺ បើកបរពីទិសខាងកើតឆ្ពោះទៅទិសខាងលិច។ លុះមក ដល់ចំណុចខាងលើបានជ្រុលទៅបុកគោយន្ដឆ្នៃដឹកតុទូគ្រែឈេីដេីរលក់តាមគ្រប់ច្រកល្ហក ពីក្រោយ រ៉ឺម៉កគោយន្ដកន្រ្ដៃ ម៉ាកRT ពណ៌ក្រហម អ្នកបេីកបរមិនស្គាល់អត្តសញ្ញាណ(គេចខ្លួនក្រោយពេលកេីតហេតុបន្សល់គោយន្ដ រឺម៉ក ទុកនៅឯកោ) ។
តាមការបញ្ជាក់ពីនគរបាលចរាចរណ៍អធិការដ្ឋាននគរបាលស្រុកភ្នំស្រួច ចុះដល់កន្លែងកេីតហេតុឱ្យដឹងថា ហេតុការណ៍នេះគោយន្ដកន្រ្ដៃបេីកបរស្របទិសគ្នាជាមួយម៉ូតូ ប៉ុន្ដែចៃដន្យអ្វីដែលអ្នកបេីកបរម៉ូតូមកបុកពីក្រោយរឺម៉កឈេីឆ្នៃទាំងដែលនៅព្រឹកបែបនេះ គ្រោះ ថ្នាក់ននេះបណ្ដាលឲ្យអ្នកបេីកបរម៉ូតូរងការខូចខាតកម្រិតធ្ងន់ និងរងរបួសត្រូវបានបញ្ជូនទៅកាន់មន្ទីរពេទ្យបង្អែកស្រុកភ្នំស្រួច ដេីម្បីសង្រ្គោះបន្ទាន់ រីឯមធ្យោបាយបង្កបានបញ្ជូនមកអធិការដ្ឋានដេីម្បីដោះស្រាយតាមនីតិវិធីច្បាប់ ។
ស្នងការដ្ឋាននគរបាលខេត្តកំពង់ស្ពឺ សំណូមពរដល់បងប្អូនប្រជាពលរដ្ឋ ព្រមទាំងក្មួយៗ មេត្តាបេីកបរដោយការទទួលខុសត្រូវគោរពច្បាប់និងកុំបំពានលេីគំនូសទ្រូងផ្លូវពិសេសការគោរពសិទ្ធិអត្ថិភាពអ្នកបេីកបរដូចគ្នាផ្លូវបំបែកឆ្លងកាត់ ទីប្រជុំជន ទីផ្សារនិងចំណុចផ្លូវមានអ្នកឆ្លងកាត់ជាដេីម។ ល។
