ខេត្តព្រះវិហារ៖ ថ្លែងតាមរយៈបណ្ដាញសង្គមហ្វេសប៊ុកផ្លូវការរបស់ លោក គីម រិទ្ធី អភិបាល នៃគណៈអភិបាលខេត្តព្រះវិហារ នៅរសៀលថ្ងៃអង្គារទី២២ ខែកក្កដា ឆ្នាំ២០២៥នេះថា៖ រដ្ឋបាលក្រុងព្រះវិហារ ដាក់កាមេរ៉ាសុវត្ថិភាព នៅទំនប់៩៥ ដើម្បីពង្រឹងសុវត្ថិភាព តាមចាប់អ្នកដែលប្រើគ្រឿងញៀន និងអ្នកដែលបំផ្លាញដើមឈើតាមដងផ្លូវ។
សូមជម្រាបថា កាលពីម្សិលមិញនេះ លោក គីម រិទ្ធី អភិបាលខេត្តព្រះវិហារ ព្រមទាំងថ្នាក់ដឹកនាំគ្រប់ជាន់ថ្នាក់ មន្ទីរអង្គភាពក្នុងខេត្ត កងកម្លាំងទាំង៣ និងអ្នកពាក់ព័ន្ធមួយចំនួនទៀត បានអញ្ជើញអមដំណើរលោក ឡាំ ជា រដ្ឋមន្រ្តីទទួលបន្ទុករដ្ឋលេខាធិការដ្ឋានកិច្ចការព្រំដែន ចុះត្រួតពិនិត្យស្ថានភាពបង្គោលព្រំដែន កម្ពុជា-ឡាវ ស្ថិតនៅភូមិកំពង់សាមី ឃុំកំពង់ស្រឡៅពីរ ស្រុកឆែបខេត្តព្រះវិហារ។
គួរបញ្ជាក់ថា ខេត្តព្រះវិហារ មានព្រំប្រទល់ជាប់ខេត្តចចម្ប៉ាសាក់ប្រទេសឡាវប្រវែង១៤០គីឡូម៉ែត្រ ៕
ដោយ៖តារា
