(ខេត្តប៉ៃលិន) នៅច្រកទ្វារអន្តរជាតិខេត្តប៉ៃលិន ប្រជាពលរដ្ឋខ្មែរសម្រុកវិលត្រឡប់មកស្រុកកំណើតវិញតាមច្រកព្រំជាងមួយពាន់នាក់ក្នុងមួយថ្ងៃៗ ក្រោមការចុះសម្របសម្រួលពីថ្នាក់ដឹកនាំក្នុងខេត្តប៉ៃលិន។
លោក ប៉ិច ប៊ិន ប្រធានការិយាល័យច្រកទ្វារអន្តរជាតិព្រំបានឲ្យដឹងថា÷ រយៈពេលពីរថ្ងៃនេះមានបងប្អូនប្រជាពលរដ្ឋដែលវិលត្រឡប់ពីប្រទេសថៃ ជាងមួយពាន់នាក់ដោយមានការយកចិត្តទុកដាក់ពីរថ្នាក់ដឹកនាំនិងក្រុមការងាររបស់រដ្ឋបាលខេត្តប៉ៃលិន, ដែលលោកចាំទទួល បងប្អូនប្រជាពលរដ្ឋត្រឡប់មកពីប្រទេសថៃក្នុងឱកាសជួបសំណេះសំណាលកាលពីថ្ងៃចុងសប្តាហ៍នេះលោក ស្រី អភិបាលខេត្ត បានមានប្រសាសន៍បញ្ជាក់ថា៖ ដោយសារស្ថានភាពព្រំដែនកាន់តែតឹងតែង រដ្ឋបាលខេត្ត បានអំពាវនាវឱ្យបងប្អូនពលករខ្មែរ ដែលកំពុងធ្វើការនៅប្រទេសថៃ ត្រឡប់មកមាតុភូមិវិញ មុនពេលអាជ្ញាធរថៃ បណ្តេញចេញ ឬធ្វើការប្រមាថណាមួយ ដោយរង់ចាំទទួលទាំងអស់ឱ្យតែជាជនជាតិខ្មែរ ទោះបីជាមានឯកសារគ្រប់គ្រាន់ ឬមិនមានឯកសារគ្រប់គ្រាន់ក៏ដោយ ហើយជាក់ស្តែងនៅច្រកទ្វារព្រំដែនអន្តរជាតិព្រំ ខេត្តប៉ៃលិន គឺមានបងប្អូនពលករខ្មែរ បានធ្វើដំណើរឆ្លងព្រំដែន ត្រឡប់មកកម្ពុជាវិញជារៀងរាល់ថ្ងៃ ដោយរដ្ឋបាលខេត្ត បានសហការជាមួយ ក្រសួងការងារ និងបណ្តុះបណ្តាលវិជ្ជាជីវៈ បានរៀបចំទីតាំងត្រៀមទទួលបងប្អូនពលករ នៅក្បែរព្រំដែន ដើម្បីសម្រួលទាំងការស្នាក់នៅបណ្ដោះអាសន្ន ការហូបចុក ការថែទាំព្យាបាលសុខភាព និងជូនដំណើរវិលត្រឡប់ទៅស្រុកកំណើតវិញ ដោយឥតគិតថ្លៃ ព្រមទាំងជួយរកការងារជូនបងប្អូនពលករយើងផងដែរ៕ដោយ÷ស សារ៉េត
