ភ្នំពេញ​៖​ នាយកដ្ឋាននគរបាល​ប្រឆាំង​បទល្មើស​បច្ចេកវិទ្យា​ នៃក្រសួងមហាផ្ទៃ​ បានឱ្យដឹងថា​ (Phishing Link) ដែលបន្លំខ្លួនក្រោមរូបភាពអំពាវនាវឲ្យប្រជាពលរដ្ឋចុចនូវតំណភ្ជាប់បោកបញ្ឆោត ដើម្បីស្វែងរកយុត្តិធម៌លើការរំលោភបំពានបញ្ហាព្រំដែន បន្ទាប់មកនឹងធ្វើការបោកបញ្ឆោតឲ្យបំពេញនូវព័ត៌មានលេខកូដគណនីហ្វេសប៊ុក និងអ៉ីម៉ែល ហើយជនអនាមិកនឹងអាចចូលទៅគ្រប់គ្រងគណនីរបស់ជនរងគ្រោះបាន តាមរយៈការស្ទូចយកទិន្នន័យនេះ។

✍🏻Telegram មានមុខងារថ្មីមួយដែលអាចបញ្ជាក់បុគ្គលដែលអ្នកកំពុងទាក់ទង រៀងរាល់ពេលដែលមានគណនីព្យាយាមផ្ញើសារ ឬទាក់ទងអ្នកជាលើកដំបូង អ្នកនឹងឃើញទំព័រព័ត៌មានលម្អិតមួយចំនួន ដើម្បីជួយអ្នកក្នុងការកំណត់ពីការបោកប្រាស់ ជៀសវាងពីអ្នកក្លែងបន្លំអត្តសញ្ញាណ ដូចនេះអ្នកអាចផ្ទៀងផ្ទាត់បានថាអ្នកកំពុងទាក់ទងជាមួយអ្នកណា មុនពេលអ្នកឆ្លើយតប!
ព័ត៌មានលម្អិតនោះមាន៖
1️⃣ប្រទេសរបស់ពួកគេ (ផ្អែកលើលេខទូរស័ព្ទរបស់ពួកគេ)
2️⃣កាលបរិច្ឆេទដែលគេបានបង្កើតគណនី
3️⃣បង្ហាញពីពេលវេលាដែលពួកគេបានធ្វើ បច្ចុប្បន្នភាព ឈ្មោះអ្នកប្រើប្រាស់ ឬរូបភាពកម្រងព័ត៌មានរបស់ពួក គេជាលើកចុងក្រោយ
4️⃣សូចនាករច្បាស់លាស់ប្រភេទគណនីនោះថាជា គណនីផ្លូវការ មានការផ្ទៀងផ្ទាត់​​​(Verified) ឬគ្រាន់តែជាអ្នកប្រើប្រាស់ធម្មតាប៉ុណ្ណោះ

​នាយកដ្ឋាន​នគរបាល​ប្រឆាំង​បទល្មើស​បច្ចេកវិទ្យា​ បានបញ្ជាក់ថា​ ដើម្បីសុវត្ថិភាព សូមលោកអ្នក កុំចុចលើតំណភ្ជាប់ណាមួយដែលមិនមានប្រភពច្បាស់លាស់ ដែលតម្រូវឱ្យយើងបំពេញនូវព័ត៌មានផ្ទាល់ខ្លួនអោយសោះ៕

ដោយ​៖តារា​