លោកស្រី Madam Pang ប្រធានសមាគមកីឡាបាល់ទាត់ថៃ (FAT) បានបញ្ជាឱ្យចាត់វិធានការវិន័យយ៉ាងតឹងរ៉ឹងចំពោះកីឡាករក្នុងស្រុកដែលបានប្រើហិង្សាវាយប្រហារលើអាជ្ញាកណ្តាលអំឡុងពេលប្រកួតក្នុងក្លឹប។

នៅក្នុងការប្រកួត Pang Aai Open Cup កាលពីថ្ងៃទី 3 ខែសីហា កីឡាករ Paramachot Duangmit របស់ក្លឹប Ueang Fah A បានលើកជើងខ្ពស់ដ៏គ្រោះថ្នាក់ជាមួយកីឡាករក្លឹប Creative FC ហើយត្រូវបានអាជ្ញាកណ្តាល Siwakorn Singthana ពិន័យកាតក្រហមភ្លាមៗ។

កីឡាករ Ueang Fah A ខឹងសម្បារបានតបវិញដោយដាល់អាជ្ញាកណ្តាលពីរដងចំមុខ មុននឹងដេញគាត់ ចាប់ក្បាលគាត់ ហើយបន្តវាយគាត់។ លោក Siwakorn ត្រូវបានបញ្ជូនទៅមន្ទីរពេទ្យដោយមានស្នាមជាំលើមុខ ហើយក្រោយមកបានដាក់របាយការណ៍ប៉ូលិស។ កូឡាករ Paramachot បានបិទគណនីប្រព័ន្ធផ្សព្វផ្សាយសង្គមរបស់គាត់ចាប់តាំងពីពេលនោះមក។

Siwakorn គឺជាសមាជិកនៃគណៈកម្មាធិការអាជ្ញាកណ្តាល FAT ហើយបច្ចុប្បន្នជាមន្ត្រីនៅក្នុង Thai League 3 ដែលជាផ្នែកមួយនៃប្រព័ន្ធបាល់ទាត់អាជីពរបស់ប្រទេសថៃ។ Madam Pang បានដឹកនាំ FAT ដើម្បីរ៉ាប់រងថ្លៃព្យាបាលទាំងអស់សម្រាប់ Siwakorn ។

អំពើហឹង្សាដែលធ្វើឲ្យខូចមុខមាត់កីឡាបាល់ទាត់ថៃ តែងតែត្រូវពិន័យជាទម្ងន់ រួមទាំងការព្យួរការប្រកួតពី ២ ទៅ ៤ ប្រកួត និងពិន័យជាប្រាក់ពី ៤ ទៅ ៦ ម៉ឺនបាត។ អំពើហិង្សានៅទីលានបាល់ទាត់ថៃបានកើនឡើងក្នុងរយៈពេលប៉ុន្មានឆ្នាំចុងក្រោយនេះ។

នៅក្នុងខែកុម្ភៈ ឆ្នាំ 2025 កីឡាករ Songkran Puangnoi ត្រូវបានបញ្ចប់កិច្ចសន្យាដោយក្លឹបរបស់គាត់គឺ Hua Hin City បន្ទាប់ពីបានវាយប្រហារអាជ្ញាកណ្តាល និងគូប្រកួតអំឡុងពេលប្រកួតជាមួយ Rajpracha ក្នុង Thai League 3 ។ នៅវគ្គផ្តាច់ព្រ័ត្រ SEA Games ឆ្នាំ 2023 នៅប្រទេសហ្វីលីពីន កីឡាករ និងគ្រូបង្វឹកមកពីក្រុម U23 របស់ថៃ ក៏បានប៉ះទង្គិចជាមួយកីឡាករឥណ្ឌូនេស៊ី ដែលបណ្តាលឱ្យមានការពិន័យជាបន្តបន្ទាប់។