ភ្នំពេញ៖ បុរសម្នាក់ក្រោយពីផឹកស្រាបៀរស្រវឹងបានដេកលេីផ្លូវដែកក៏ត្រូវរថភ្លេីងកិនបណ្តាលឱ្យរងរបួសធ្ងន់ត្រូវបានរថយន្ត
កងសង្គ្រោះបន្ទាន់៧១១កងពលតូចលេខ៧០ដឹកទៅមន្ទីរពេទ្យភ្លាមៗ។
ហេតុការណ៍នេះបានកេីតឡេីងកាលពីវេលាម៉ោង១០និង៣៦នាទីយប់ថ្ងៃទី០៥ ខែសីហា ឆ្នាំ២០២៥ នៅតាមផ្លូវរថភ្លេីង ភូមិភ្លេីងឆេះរទេះខាងលិច សង្កាត់ភ្លេីងឆេះរទេះ ខណ្ឌកំបូល រាជធានីភ្នំពេញ។
ជនរងគ្រោះមានឈ្មោះខាត់ សុខណាង ភេទប្រុស អាយុ ៣៧ឆ្នាំ(របួសដាច់ម្រាមមេដៃ រលាត់កែងដៃ និងក្បាល)មានអាស័យដ្ឋាននៅភូមិត្រពាំងទាប ឃុំកក់ ស្រុកបសេដ្ឋ ខេត្តកំពង់ស្ពឺ។
តាមប្រភពព័ត៌មានបានឱ្យដឹងថា មុនពេលកេីតហេតុបុរសខាងលេីបានទិញស្រាបៀរមកអង្គុយផឹកនៅលេីផ្លូវដែករហូតដល់ស្រវឹងក៏ដេកនៅទីនោះក្រោយមកស្រាប់តែមានរថយន្តភ្លេីងមួយខ្សែបានបេីកឆ្លងកាត់ក៏ត្រូវរថភ្លេីងកិនបណ្តាលឱ្យរងរបួសដាច់ម្រាមដៃ សំណាងមិនគ្រោះថ្នាក់ដល់អាយុជីវិត។
ក្រោយកេីតហេតុជនរងគ្រោះត្រូវបានរថយន្តសង្គ្រោះរបស់អង្គភាព៧១១ កងពលតូចលេខ៧០ ដឹកបញ្ជូនទៅមន្ទីរពេទ្យព្រះកុសុមៈ ៕
ដោយ៖សុខាសែនជ័យ
