ភ្នំពេញ៖ លោកស្រី ឧត្តមសេនីយ៍ឯក ម៉ាលី សុជាតា អនុរដ្ឋលេខាធិការ និងជាអ្នកនាំពាក្យក្រសួងការពារជាតិ បានថ្លែងថា ស្ថានការណ៍ជួរមុខតាមបន្ទាត់ព្រំដែនទិសខេត្តព្រះវិហារ និងខេត្តឧត្តរមានជ័យមានភាពស្ងប់ស្ងាត់គិតចាប់តាំងពីម៉ោង១២ រំលងអាធ្រាតថ្ងៃទី៧ខែសីហាឆ្នាំ២០២៥ មកដល់វេលាម៉ោង៦ព្រឹកនេះ ។
កាលថ្លែងបែបនេះរបស់លោកស្រីអ្នកនាំពាក្យរូបនេះ បានធ្វើឡើងក្នុងពិធីសេចក្តីសង្ខេបព័ត៌មានប្រចាំថ្ងៃ ស្តីពី «លទ្ធផលនៃការអនុវត្តបទឈប់បាញ់រវាងកម្ពុជា-ថៃ» នៅព្រឹកថ្ងៃទី០៧ ខែសីហា ឆ្នាំ២០២៥ នៅទីស្តីការគណៈរដ្ឋមន្ត្រី។
លោកស្រី ម៉ាលី សុជាតា បានបញ្ជាក់ថា កងកម្លាំងយើង មានការប៉ុងប្រយ័ត្នខ្ពស់ក្នុងការបំពេញតួនាទីរបស់ខ្លួន ហើយកម្ពុជាគោរពយ៉ាងម៉ឺងម៉ាត់បំផុតចំពោះការអនុវត្តបទឈប់បាញ់ ដែលបានឯកភាពគ្នា នៅថ្ងៃទី ២៨ ខែកក្កដា ឆ្នាំ២០២៥ នៅប្រទេសម៉ាឡេស៊ី៕
...
ដោយ៖តារា
