ភ្នំពេញ៖ នៅព្រឹកថ្ងៃទី២ ខែកញ្ញា ឆ្នាំ២០១៦ លោក ម៉ក់ ហុង ធិការនគរបាលខណ្ឌសែនសុខ បានដឹកនាំមន្ត្រីក្រុមការងារផ្នែកស្ថិតិប្រគល់សៀវភៅស្នាក់នៅជូនប្រជាពលរដ្ឋ ចំនួន៦៨គ្រួសារ នៅភូមិពោងពាយ សង្កាត់ភ្នំពេញថ្មី ខណ្ឌសែនសុខ។

ប្រជាពលរដ្ឋនៅតាមមូលដ្ឋាន មួយរយៈនេះពួកគាត់អាចធ្វើអត្តសញ្ញាណប័ណ្ណ ឬសៀវភៅគ្រួសារ សៀវភៅស្នាក់នៅ នៅពេលយប់ក៏បាន ប្រសិនបើជាប់មានភារកិច្ចការងាររបស់ខ្លួន ដោយសមត្ថកិច្ចជួយសម្រួលការងារនេះ ដើម្បីបានឯកសារគ្រប់គ្រាន់សម្រាប់ទៅចុះឈ្មោះបោះឆ្នោត ក៏ដូចជាសម្រាប់បំពេញការងារផ្សេងៗ។

ប្រជាពលរដ្ឋជាច្រើនគ្រួសារនៅភូមិពោងពាយ បានថ្លែងអំណរគុណចំពោះការយកចិត្តទុកដាក់របស់សមត្ថកិច្ចទាំងការជួយផ្តល់ប័ណ្ណស្នាក់នៅ សៀវភៅគ្រួសារ ក៏ដូចជាការចុះប្រគល់អត្តសញ្ញាណប័ណ្ណនៅតាមខ្នងផ្ទះជាដើម៕

ដោយ៖ តុង សីហា