ភ្នំពេញ៖ បុរសម្នាក់បានស្លាប់នៅកន្លែងកើតហេតុ ចំណែកស្ត្រីម្នាក់ទៀតរងរបួសស្រាលខណៈអ្នកទាំង២កំពុងតែជិះម៉ូតូសណ្តោងរម៉កធ្វើដំណើរតាមផ្លូវ ត្រូវរថយន្តស្ទូចបេីកជ្រុលទៅបុកពីក្រោយយ៉ាងពេញទំហឹង ។
ហេតុការណ៍នេះបានកើតឡើងកាលពីល្ងាចថ្ងៃទី១០ខែសីហាឆ្នាំ២០២៥ទល់មុខវត្តព្រះចន្ទរង្សី ផ្លូវជាតិលេខ១ សង្កាត់ក្បាលកោះ ខណ្ឌច្បារអំពៅ រាជធានីភ្នំពេញ ។
សមត្ថកិច្ចបានឲ្យដឹងថា សពជនរងគ្រោះមានឈ្មោះ ហេង ចន្ធី ភេទប្រុសអាយុ៥៥ឆ្នាំ មុខរបរ យាមការដ្ឋានសំណង់ មានស្រុកកំណើត នៅផ្ទះលេខ១៥៤៣ ផ្លូវលំ ភូមិកណ្តាលក្រោម ឃុំបន្ទាយដែក ស្រុកកៀនស្វាយ ខេត្តកណ្ដាល ។
ដោយឡែកអ្នករួមដំណើររងរបួសស្រាល មិនស្គាល់អត្តសញ្ញាណ ។
ប្រភពព័ត៌មាននៅកន្លែងកើតហេតុ បានអោយដឹងថា មុនពេលកេីតហេតុ គេបានឃើញបុរសម្នាក់រួមដំណើរជាមួយនិងស្ត្រីម្នាក់បានជិះម៉ូតូសណ្តោងរម៉កធ្វើដំណើរតាមបណ្ដោយផ្លូវ ជាតិលេខ១ ទិសដៅពីកេីតទៅលិច លុះមកដល់ចំណុចកេីតហេតុ ស្រាប់តែឃើញរថយន្តស្ទូចដឹកសសរគ្រឹះ ម៉ាក kia ពណ៌ស ពាក់ស្លាកលេខ ភ្នំពេញ 3A 3348 បានបេីកក្នុងទិសដៅស្របគ្នា គេចគេចមិនទាន់ក៏ជ្រុលទៅបុកម៉ូតូសណ្តោងរម៉ក បណ្ដាលឲ្យម៉ូតូក្រឡាប់ បណ្តាលឲ្យបុរសម្នាក់ស្លាប់នៅនឹងកន្លែង ចំណែកស្ត្រីអ្នកអង្គុយខាងក្រោយ រងរបួសតិចតួច ត្រូវបានដឹកយកមកព្យាបាលរបួសនៅមន្ទីរពេទ្យ ។
ចំណែកអ្នកបើកបរបានបេីករថយន្តទៅមុខប្រហែល១០០ម៉ែត្រ អ្នកបេីកបរបានចុះពីលើរថយន្តរត់គេចបាត់ស្រមោល ។
បន្ទាប់ពីកេីតហេតុ សមត្ថកិច្ចនគរបាលបានធ្វើកំណត់ហេតុប្រគល់សពអោយសាច់ញាតិយកទៅធ្វើបុណ្យតាមប្រពៃណី ចំនែកមធ្យោបាយសមត្ថកិច្ចជំនាញចរាចរណ៍វាស់វែងយកទៅរក្សាទុកនៅការិយាល័យនគរបាលចរាចរណ៍ផ្លូវគោករងចាំដំណោះស្រាយនៅពេលក្រោយ ៕
ដោយ៖ ជ្រោយពេជ្រ
