សារព័ត៌មាន Al Jazeera ចោទប្រកាន់អ៊ីស្រាអែលថាបានសម្លាប់អ្នកកាសែត៥នៅក្នុងការវាយប្រហារតាមអាកាសនៅហ្គាហ្សាស្ទ្រីប។ ទន្ទឹមនឹងនេះ អ៊ីស្រាអែលបានចោទអ្នកកាសែតម្នាក់ថាជាមេបញ្ជាការក្រុមហាម៉ាស។

លោក Anas al-Sharif អាយុ 28 ឆ្នាំស្ថិតក្នុងចំណោមអ្នកយកព័ត៌មាន Al Jazeera បួននាក់ និងជំនួយការម្នាក់បានស្លាប់នៅក្នុងការវាយប្រហារតាមអាកាស ក្បែរមន្ទីរពេទ្យ Shifa ក្នុងទីក្រុង Gaza ភាគខាងកើតកាលពីថ្ងៃទី 10 ខែសីហា នេះបើយោងតាមមន្ត្រី Gaza និង Al Jazeera ។ មន្ត្រីមន្ទីរពេទ្យបាននិយាយថា មនុស្សពីរនាក់ផ្សេងទៀតក៏ត្រូវបានសម្លាប់ក្នុងការវាយប្រហារនេះដែរ។
អ៊ីស្រាអែលបានបញ្ជាក់ពីការវាយប្រហារដោយនិយាយថាខ្លួនបានកំណត់គោលដៅលើលោក al-Sharif ដោយចោទគាត់ថាជា«មេក្រុមហាម៉ាសដែលដាក់ខ្លួនជាអ្នកឆ្លើយឆ្លងព័ត៌មាន Al Jazeera»។ ទោះយ៉ាងណាក៏ដោយ អង្គការប្រព័ន្ធផ្សព្វផ្សាយ និង Al Jazeera និយាយថា ការចោទប្រកាន់របស់អ៊ីស្រាអែល គឺមិនមានភស្តុតាងច្បាស់លាស់។
ក្រុមសេរីភាពសារព័ត៌មាន និងអ្នកជំនាញអង្គការសហប្រជាជាតិ ធ្លាប់បានព្រមានថា ជីវិតរបស់លោក al-Sharif ស្ថិតក្នុងហានិភ័យ ខណៈពេលដែលកំពុងរាយការណ៍នៅហ្គាហ្សា។ អ្នករាយការណ៍ពិសេសរបស់អង្គការសហប្រជាជាតិ លោកស្រី Irene Khan បាននិយាយកាលពីខែមុនថា ការចោទប្រកាន់របស់អ៊ីស្រាអែលប្រឆាំងនឹងអ្នកកាសែតនេះ គឺមិនមានហេតុផលច្បាស់លាស់នោះទេ។
នៅក្នុងសេចក្តីថ្លែងការណ៍មួយ គណៈកម្មាធិការការពារអ្នកសារព័ត៌មាន (CPJ) ដែលបានអំពាវនាវឱ្យមានការការពារអន្តរជាតិសម្រាប់លោក al-Sharif កាលពីខែកក្កដា បាននិយាយថា អ៊ីស្រាអែលមិនបានផ្តល់ភស្តុតាងណាមួយដើម្បីគាំទ្រការអះអាងរបស់ខ្លួនដែលថាអ្នកកាសែតដែលត្រូវបានសម្លាប់គឺជាមេដឹកនាំក្រុមហាម៉ាស់នោះទេ។
គណនី X របស់ Al-Sharif បានបង្ហោះប៉ុន្មាននាទីមុនពេលមរណភាពរបស់គាត់ថា អ៊ីស្រាអែលកំពុងធ្វើការវាយប្រហារតាមអាកាសលើទីក្រុង Gaza ។
Al Jazeera បានហៅ al-Sharif ថាជា “អ្នកកាសែតដ៏ក្លាហានបំផុតម្នាក់របស់ Gaza” ហើយបាននិយាយថា គាត់មានទំនួលខុសត្រូវក្នុងការរាយការណ៍ពីស្ថានភាពនៅក្នុងតំបន់នេះទៅកាន់ពិភពលោក។
ទន្ទឹមនឹងនោះ ក្រុមហាម៉ាសបាននិយាយថា ឧបទ្ទវហេតុនេះអាចជាសញ្ញានៃការចាប់ផ្តើមនៃការវាយលុកថ្មីរបស់អ៊ីស្រាអែលលើតំបន់ជុំវិញ។
ការិយាល័យប្រព័ន្ធផ្សព្វផ្សាយរបស់រដ្ឋាភិបាល Hamas-run Gaza បាននិយាយថា អ្នកកាសែតចំនួន 237 នាក់ត្រូវបានសម្លាប់ចាប់តាំងពីការប្រយុទ្ធគ្នារវាងអ៊ីស្រាអែល និងក្រុមហាម៉ាស់បានផ្ទុះឡើងកាលពីថ្ងៃទី 7 ខែតុលា ឆ្នាំ 2023៕

រូបថត​: Reuters