ភ្នំពេញ៖ បុរសម្នាក់ទំនងជាស្រវឹងសង្ស័យបើកឡាំប្រឺតាវង្វេងផ្លូវធ្លាក់ចូលទឹកទន្លេផ្អើលពលរដ្ឋរស់នៅក្បែរនោះនាំគ្នាជួយសង្គ្រោះទាន់ ។
ហេតុការណ៍នេះបានកើតឡើងកាលពីម៉ោង៩និង៣០នាទីយប់ថ្ងៃទី១១ខែសីហាឆ្នាំ២០២៥ នៅផ្លូវលេខ៣៥៧ ភូមិដេីមស្លែង១ សង្កាត់ច្បារអំពៅទី២ ខណ្ឌច្បារអំពៅ ។
ប្រភពព័ត៌មានពីប្រជាពលរដ្ឋ បានអោយដឹងថា មុនពេលកេីតហេតុ គេបានឃើញបុរសម្នាក់បានបេីកម៉ូតូឡាំប្រឺតាតាមបណ្ដោយផ្លូវ៣៥៧ទិសដៅពីត្បូងទៅជើង លុះមកដល់ជិតកន្លែងកើតហេតុ ដែលជាផ្លូវទាល់មាត់ទន្លេ ហើយមានគេដាក់របាំងថ្មឃាំងនៅទៅនោះដេីម្បីការពារ ភ្លាមនោះអ្នកបើកឡាំប្រឺតាបានចុះដើរទៅមេីល ហហេីយបានដេីរមកវិញ បញ្ឆេះម៉ូតូ ហើយជិះទៅចូលរបាំងថ្មមួយប្រឡោះឡាំប្រឺតា បណ្តបណ្តាលឲ្យធ្លាក់ទាំងឡាំប្រឺតានឹងមនុស្សចូលទឹកទន្លេលិចបាត់តែម្ដង ។
ប្រភពដដែលបន្តទៀតថា ដោយឃើញសភាពបែបនេះ ប្រជាពលរដ្ឋនៅក្បែរៗនោះបាននាំគ្នាចុះទៅជួយទាញយកបុរសជាអ្នកបេីកឡាំប្រឺតាឡេីងលេីគោកវិញ និងបាននាំគ្នាជួយយកខ្សែដេីម្បីអូសទាញយកម៉ូតូឡាំប្រឺតាមកលើគោកវិញ ពលរដ្ឋអូសមិនរួចនោះទេ បានយកខ្សែចងជាប់ទុកនៅមាត់ច្រាំងសិន ។
បន្ទាប់ពីកើតហេតុមានបងប្អូនអ្នកបើកឡាំប្រឺតានាំជនរងគ្រោះត្រលប់ទៅផ្ទះសិន ចាំពចាំព្រឹកឡើងហៅរថយន្តស្ទូចយកម៉ូតូឡាំប្រឺតាទៅជួសជុលដោយខ្លួនឯងវិញ ៕
ដោយ៖ ជ្រោយពេជ្រ
