អន្តរជាតិ : លោក Trump និងលោក Putin បានបញ្ចប់កិច្ចប្រជុំដែលចាប់ផ្តើមដោយការចាប់ដៃគ្នាយ៉ាងកក់ក្តៅ ផ្ដោតលើសង្គ្រាមដ៏បង្ហូរឈាមនៅក្នុងប្រទេសអ៊ុយក្រែន

លោកប្រធានាធិបតី Donald Trump និងលោក Vladimir Putin របស់រុស្ស៊ីបានជួបប្រជុំគ្នាប្រហែល ២ម៉ោងកន្លះកាលពីថ្ងៃសុក្រ ជាកិច្ចប្រជុំកំពូលនៅរដ្ឋអាឡាស្កាដែលចាប់ផ្តើមដោយការចាប់ដៃ ស្នាមញញឹម និងការជិះរថយន្តប្រធានាធិបតី ដែលជាការទទួលស្វាគមន៍ដ៏កក់ក្តៅមិនធម្មតាសម្រាប់សត្រូវរបស់សហរដ្ឋអាមេរិកដែលទទួលខុសត្រូវក្នុងការចាប់ផ្តើមសង្រ្គាមលើដីដ៏ធំបំផុតនៅអឺរ៉ុបចាប់តាំងពីឆ្នាំ ១៩៤៥។
លោក Trump និងលោក Putin ធ្វើសន្និសីទសារព័ត៌មានរួមគ្នានៅអាឡាស្កា ក្រោយជំនួបទល់មុខគ្នាផងដែរ។

លោកPutin និយាយថា ការពិភាក្សាជាមួយលោក Trump គឺ ប្រកបដោយការស្ថាបនា។
លោកថា បួនឆ្នាំចុងក្រោយនេះគឺជា ចំណុចទាបបំផុត សម្រាប់ទំនាក់ទំនងអាមេរិក និងរុស្ស៊ី ចាប់តាំងពីសង្គ្រាមត្រជាក់មក ដោយលោកបានបន្ថែមថាកិច្ចប្រជុំដោយផ្ទាល់នេះគឺជាភាពចាំបាច់៕

ដោយ : សិលា