ភ្នំពេញ ៖ ជនសង្ស័យម្នាក់ជិះម៉ូតូម៉ាកនិក មកធ្វើសកម្មភាពឆក់ខ្សែ.កពីស្ត្រីម្នាក់ដែលកំពុងជិះរ៉ឺម៉កម៉ូតូតែបុរសជាអ្នកបើកក៏កៀរម៉ូតូរបស់ជនសង្ស័យបន្ទាប់ពីស្ត្រីជាភ្ញៀវស្រែកថា ចោរៗ បណ្តាលឲ្យក្រឡាប់ផ្ងារជើងសង្កត់លើគ្នា ហើយជនសង្ស័យរត់គេចខ្លួនចោលម៉ូតូបាត់សម្រោលតែមង្ត ។

ហេតុការណ៍នេះកើតឡើងកាលពីវេលាម៉ោង១២និង៣០នាទីថ្ងៃត្រង់ថ្ងៃទី០២ ខែកញ្ញា ឆ្នាំ២០១៦ ស្ថិតនៅតាមបណ្តោយផ្លូវលេខ២៧១ ក្នុងសង្កាត់ទួលទំពូងទី២ ខណ្ឌចំការមន រាជធានីភ្នំពេញ។

ប្រភពពីសមត្ថកិច្ចបានឲ្យដឹងថា បុរសរត់រ៉ឺម៉កម៉ូតូឈ្មោះ គង់ ធួក អាយុ៥០ឆ្នាំ មុនពេលកើតហេតុបុរសរងគ្រោះបានដឹកភ្ញៀវចំនួន៣នាក់ ដោយមានស្ត្រី២នាក់ និងក្មេងប្រុសម្នាក់ ចេញពីម្តុំផ្សារសឡា ឆ្ពោះទៅកៀនស្វាយ ក្នុងទិសដៅពីជើងទៅត្បូងតាមបណ្តោយផ្លូវ២៧១ លុះមកដល់កន្លែងកើតហេតុ ក៏ស្រាប់តែមានជនសង្ស័យម្នាក់ជិះម៉ូតូម៉ាកនិច ពណ៌ស មួយគ្រឿង ពាក់ស្លាកលេខភ្នំពេញ ១DD-៧២៨៥ តែម្នាក់ឯង មកធ្វើសកម្មភាពឆក់ខ្សែ.កផ្លាកទីនមួយខ្សែពីស្ត្រីអ្នកជិះខាងក្រោយ ដោយពួកគាត់បាននាំគ្នាស្រែកថា ចោរៗតែឆក់មិនបាននោះទេ ។

ភ្លាមៗនោះបុរសជាអ្នកបើករ៉ឺម៉កម៉ូតូ បើកទៅកៀរផ្តួលម៉ូតូនោះរបស់ជនសង្ស័យបណ្តាលឲ្យក្រឡាប់ផ្ងារជើងសង្កត់លើគ្នា ហើយជនសង្ស័យរត់គេចខ្លួនចោលម៉ូតូបាត់សម្រោលតែមង្ត ។

ក្រោយពេលកើហេតុបុរសរត់រ៉ឺម៉កម៉ូតូត្រូវបានក្រុមគ្រួសារមកទទួលយកកទៅធ្វើការព្យាបាលនៅមន្ទីរពេទ្យ ចំណែកឯម៉ូតូម៉ាកនិចមួយគ្រឿងរបស់ចោរឆក់ត្រូវបានកម្លាំងនគរបាលប៉ុស្តិ៍ទួលទំពូងទី២ យកទៅរក្សាទុកដើម្បីស្រាវជ្រាវបន្ត៕

ដោយ៖ សរស្មី