ភ្នំពេញ៖ បុរសម្នាក់បើករថយន្ដធុនធំដឹកថ្មធ្ងន់ពេកឡើងស្ពានអាកាសក្បាលថ្នល់មិនរួចរអិលថយក្រោយបុកបង្កាន់ដៃស្ពានរួមទាំងរថយន្ដ បើកតាមក្រោយបណ្ដាលអោយរងការខូចខាត សំណាងល្អគ្មានអ្នករងរបួស។
ហេតុការណ៍នេះកើតឡើងកាលពីវេលាម៉ោង១០ និង៤៥នាទីយប់ ថ្ងៃទី១៦ ខែសីហា ឆ្នាំ២០២៥ ។ ស្ថិតតាមបណ្ដោយផ្លូវផ្លូវជាតិលេខ២ ក្នុងសង្កាត់ចាក់អង្រែលើ ខណ្ឌមានជ័យ រាជធានីភ្នំពេញ ។
តាមប្រភពបានអោយដឹងថា មុនពេលកើតហេតុមានបុរសម្នាក់បេីករថយន្ត ធុនធំដឹកថ្ម ម៉ាកHi NO ក្បាលពណ៌ស ពាក់ផ្លាកលេខកណ្ដាល 3A-1188 ធ្វើដំណើរតាមបណ្ដោយផ្លូវជាតិលេខ២ ក្នុងទិសដៅពីត្បូងទៅជេីង បានបើកឡេីងលើស្ពានអាកាសក្បាលថ្នល់បានពាក់កណ្ដាលស្ពានមិនរួច ក៏រអិលថយក្រោយបុកបង្កាន់ដៃស្ពាន ហេីយបន្តបុករថយន្ត ឡិចស៊ីស RX300 ពាក់ផ្លាកលេខព្រះសីហនុ 2C-8505 ដែលធ្វើដំណើរតាមក្រោយបណ្ដាលឲ្យរងការខូចខាត តែសំណាងល្អក្នុងហេតុការណ៍គ្រោះថ្នាក់ចរាចរណ៍នេះគ្មានអ្នករងរបួសនោះទេ ខូចខាតែរថយន្ដនិងបង្កាន់ដៃស្ពានដែលជាសម្បត្តិរដ្ឋតែប៉ណ្ណោះ ។
ក្រោយកេីតហេតុសមត្ថកិច្ចជំនាញចរាចរណ៍ផ្លូវគោកននៃស្នងការដ្ឋាននគរបាលរាជធានីភ្នំពេញ ធ្វេីការវាស់វែងយករថយន្តទៅរក្សាទុកដេីម្បីរងចាំដោះស្រាយនៅពេលក្រោយ ៕
ដោយ ៖ ភារ៉ា ដង្កោ
