ភ្នំពេញ៖ ជនសង្ស័យម្នាក់ក្នុងចំណោមបក្សពួក៣នាក់ ត្រូវបានបងប្អូនប្រជាពលរដ្ឋនាំគ្នាឃាត់ខ្លួនប្រគល់អោយសមត្ថកិច្ចយកទៅសួរនាំ បន្ទាប់ពីជនសង្ស័យរូបនោះបានធ្វើសកម្មភាព ឆ្កឹះសោររបងផ្ទះលួចកាច់កម៉ូតូរបស់ពលរដ្ឋទុកក្នុងបន្ទាប់ជួល។
ហេតុការណ៍នេះបានកើតឡើងនៅកាលម៉ោង២និង៥០នាទីរំលងអាធ្រាត្រចូលថ្ងៃទី២០ ខែសីហា ឆ្នាំ២០២៥ នៅចំណុចផ្ទះជួល ជិតវត្តអង្គតាមិញ សង្កាត់ចោមចៅទី១ ខណ្ឌពោធិសែនជ័យ ។
សមត្ថកិច្ចបានឲ្យដឹងថាជនសង្ស័យមានឈ្មោះ សំណាង អាយុប្រហែល១៥ឆ្នាំ មុខរបររេីសអេតចាយ ស្នាក់នៅមិនពិតប្រាកដ ។ សមត្ថកិច្ចដកហូតម៉ូតូម៉ាក honda best ពណ៌សពាក់ស្លាកលេខ ព្រៃវែង 1X7662 ជារបស់ជនរងគ្រោះ ។
ប្រភពព័ត៌មានបានឲ្យដឹងថា មុនពេលកើតហេតុក្រុមជនសង្ស័យមានគ្នីគ្នា៣នាក់ បានដេីរទៅធ្វើសកម្មភាព ឆ្កឹះសោររបងផ្ទះជួលមួយកន្លែងក្រោយវត្តអង្គតាមិញ ហើយបានយកខ្សែចងតាមទ្វារបន្ទប់ជួល និងបានធ្វើសកម្មភាព កាច់កកាច់កម៉ូតូរបស់ជនរងគ្រោះជានារីបានហើយនាំគ្នីគ្នាបណ្តេីរម៉ូតូចេញធ្វើដំណើរតាមផ្លូវ តែចៃដន្យត្រូវបានបងប្អូនប្រជាពលរដ្ឋ ឃេីញបានស្រែកឆោឡោ ធ្វើឲ្យជនសង្ស័យទាំងនោះភ័យស្លន់ស្លោបានរត់ចោលម៉ូតូ ហើយជនសង្ស័យម្នាក់ក្នុងចំណោមបក្សពួក៣ ត្រូវប្រជាពលរដ្ឋដេញឃាត់បានប្រគល់អោយសមត្ថកិច្ច ។
ករណីនេះ កម្លាំងសមត្ថកិច្ចនៃអធិការខណ្ឌពោធិសែនជ័យ បានចុះទៅនាំជនសង្ស័យទៅចង្អុលបង្ហាញផ្ទះកេីតហេតុ និងសួរនាំរកម្ចាស់ម៉ូតូ ។
បន្ទាប់ពីរកម្ចាស់ម៉ូតូឃេីញហើយសមត្ថកិច្ចអោយជនរងគ្រោះទៅដាក់ពាក្យបណ្ដឹង និងនាំជនសង្ស័យនៅប៉ុស្តិ៍នគរបាលរដ្ឋចោមចៅទី១ដេីម្បីចាត់ការតាមនិតិវិធី៕
ដោយ៖ ជ្រោយពេជ្រ
