ភ្នំពេញ៖ បើកម៉ូតូចុះពីលើស្ពានជ្រុលទៅបុករថយន្តពីក្រោយបណ្ដាលឲ្យរបួសធ្ងន់ម្នាក់ស្រាលម្នាក់ ដែលហេតុការណ៍នេះបានកើតឡើងកាលពីវេលាម៉ោង៩និង៣០នាទីយប់ ថ្ងៃទី១៩ ខែសីហា ឆ្នាំ២០២៥ នៅលើស្ពានឫស្សីកែវ សង្កាត់ឫស្សីកែវ ខណ្ឌឫស្សីកែវ រាជធានីភ្នំពេញ។
ប្រភពព័ត៌មានពីកន្លែងកើតហេតុបានឲ្យដឹងថា មុនពេលកេីតហេតុគេបានឃើញបុរសម្នាក់ជិះម៉ូតូម៉ាក scooy ពណ៌ប្រផេះ ពាក់ស្លាកលេខភ្នំពេញ1KX-0101 និងមាននារីមា្នក់រួមដំណើរជាមួយ បានជិះឆ្លងស្ពានឫស្សីកែវ ក្នុងទិសដៅពីកេីតទៅលិចដោយល្បឿនលឿន ខណៈមកដល់ចំណុចកេីតហេតុ អ្នកបេីកម៉ូតូរវល់តែចុចទូរស័ព្ទ ទេីបធ្វើអោយម៉ូតូជ្រុលទៅបុករថយន្តម៉ាក ford everest ពណ៌ស ពាក់ស្លាកលេខ ភ្នំពេញ 2BU-6615 ដែលកំពុងតែបេីកក្នុងទិសដៅស្របគ្នាពីក្រោយយ៉ាងពេញទំហឹង បណ្ដាលឲ្យម៉ូតូខ្ទេចស្រុញផ្នែកខាងមុខធ្វើឲ្យបុរសជាអ្នកបេីកម៉ូតូរបួសបាក់ជើង ចំណែកនារីអង្គុយខាងក្រោយរបួសតិចតួច ជនរងគ្រោះទាំង២នាក់ត្រូវបានដឹកយកទៅសង្គ្រោះនៅមន្ទីរពេទ្យ ។
បន្ទាប់ពីកើតហេតុដោយមានតំណាងភាគីទាំងសងខាងសម្របសម្រួលខាងម៉ូតូជួយចេញថ្លៃជួសជុលអោយទៅខាងរថយន្តដេីម្បីបញ្ចប់រឿងតែម្តង ៕
ដោយ៖ ជ្រោយពេជ្រ