រុស្ស៊ីប្រគល់ទាហានដែលស្លាប់ចំនួន១.០០០នាក់ទៅឱ្យអ៊ុយក្រែនវិញ

ចែករំលែក៖

លោក Vladimir Medinsky ជំនួយការប្រធានាធិបតីរុស្ស៊ី បានប្រកាសនៅលើ Telegram ថា រុស្ស៊ីបានប្រគល់សាកសពទាហាន 1,000 នាក់ទៀតទៅទីក្រុងគៀវ ហើយបានទទួលសាកសពទាហាន 19 នាក់ពីអ៊ុយក្រែន ក្រោមកិច្ចព្រមព្រៀងដែលបានធ្វើឡើងនៅទីក្រុងអុីស្តង់ប៊ុល ប្រទេសទួរគី ។

ក្នុងចំណោមអ្នកទុក្ករបុគ្គល 1,000 នាក់ដែលបានរៀបរាប់ខាងលើមានអ្នកដែលបានប្រយុទ្ធនៅលើរណសិរ្ស Donetsk, Zaporizhzhia និង Luhansk ក៏ដូចជានៅក្នុងខេត្ត Kursk របស់ប្រទេសរុស្ស៊ីផងដែរ។
កន្លងមក ទីក្រុងមូស្គូធ្លាប់បានស្នើឱ្យប្រគល់សាកសពទាហានគៀវជាង ៦០០០នាក់វិញ ជាកាយវិការមនុស្សធម៌ក្នុងអំឡុងការចរចារវាងគណៈប្រតិភូរុស្ស៊ី និងអ៊ុយក្រែននៅទីក្រុងអុីស្តង់ប៊ុល កាលពីដើមខែមិថុនា។ ជាការតបស្នងវិញ រុស្ស៊ីបានទទួលសាកសពទាហានចំនួន ៧៩នាក់ ដែលបានស្លាប់។
បន្ទាប់ពីនោះ លោកប្រធានាធិបតី ពូទីន បានប្រកាសថា ទីក្រុងមូស្គូបានត្រៀមខ្លួនរួចរាល់ហើយក្នុងការប្រគល់សាកសពចំនួន 3,000 ទៀតទៅកាន់ទីក្រុងគៀវ។
ការផ្លាស់ប្តូរអដ្ឋិធាតុ សព បានធ្វើឡើងបន្ទាប់ពីកិច្ចប្រជុំកំពូលកាលពីថ្ងៃទី 15 ខែសីហារវាងប្រធានាធិបតីរុស្ស៊ីលោក Vladimir Putin នឹងសមភាគីអាមេរិករបស់លោក Donald Trump នៅទីក្រុង Anchorage រដ្ឋ Alaska ក៏ដូចជាកិច្ចប្រជុំកាលពីថ្ងៃទី 18 ខែសីហារបស់ប្រធានាធិបតីអាមេរិកនៅទីក្រុងវ៉ាស៊ីនតោនជាមួយប្រធានាធិបតីអ៊ុយក្រែនលោក Volodymyr Zelensky និងមេដឹកនាំអឺរ៉ុបខាងលិច៕ ដោយធីរីណា