ការប៉ះទង្គិចគ្នាដោយហឹង្សារវាងអ្នកគាំទ្របានបង្ខំឱ្យពន្យារពេលការប្រកួត Copa Sudamericana នៅទីក្រុង Buenos Airesប្រទេសអាហ្សង់ទីន ដែលបានធ្វើឱ្យមនុស្ស 300 នាក់ត្រូវបានចាប់ខ្លួន និង 10 នាក់បានរងរបួសយ៉ាងធ្ងន់ធ្ងរ។

កីឡាករក្លឹប Independiente និង Universidad de Chile ត្រូវបានបង្ខំឱ្យចេញពីទីលានក្នុងពាក់កណ្តាលតង់ទីពីរនៃការប្រកួតវគ្គ 16 ក្រុមចុងក្រោយរបស់ពួកគេនៅក្នុងការប្រកួតពានកម្រិតទីពីរនៅទ្វីបអាមេរិកខាងត្បូង ខណៈដែលអំពើហិង្សាបានផ្ទុះឡើងនៅក្នុងកន្លែងឈរទស្សនា។

ការប្រកួតត្រូវបានគេបោះបង់ដោយពិន្ទុក្នុងលទ្ធផល 1-1 កាលពីយប់មិញ ដោយក្រុម Chile បានយកឈ្នះទាទាំងពីរជើង 2-1។

កាសែតអាហ្សង់ទីន El Pais បានរាយការណ៍ថា អ្នកគាំទ្រចំនួន 3,000 នាក់បានចូលរួមការប្រកួតនេះ ជាមួយនឹងវីដេអូដែលបង្ហាញពីផ្នែកគប់កៅអី ថ្ម និងដំបងទៅកាន់អ្នកគាំទ្រ Independiente ខាងក្រោម។

ខ្សែវីដេអូក៏បានបង្ហាញអ្នកគាំទ្រដុតកន្លែងអង្គុយ ខណៈដែលគ្រាប់បែកដៃត្រូវបានគប់ទៅរកកន្លែងដែលក្រុមគ្រួសាររបស់កីឡាករអង្គុយ។

អំពើហឹង្សាបានកើនឡើងនៅពេលដែលអ្នកគាំទ្រ Independiente ចូលទៅកន្លែងអ្នកគាំទ្រក្រៅដីក្នុងតង់ទីពីរ ជាមួយនឹងរូបភាពដែលបង្ហាញពួកគេវាយប្រហារអ្នកគាំទ្រឈីលីដែលនៅសេសសល់នៅកំពុងតែឈរទស្សនា។

អ្នកគាំទ្រត្រូវបានគេដកហូត និងវាយដំ ខណៈដែលវីដេអូបង្ហាញពីអ្នកគាំទ្រក្រៅទឹកដីម្នាក់ទៀតបានធ្លាក់ពីកន្លែងឈរ ហាក់ដូចជាត្រូវបានរុញដោយអ្នកគាំទ្ររបស់ម្ចាស់ផ្ទះដែលកាន់បង្គោលដែក។ ប្រព័ន្ធផ្សព្វផ្សាយអាហ្សង់ទីនបានរាយការណ៍ថាអ្នកគាំទ្រ Universidad de Chile ជាង 300 នាក់ត្រូវបានចាប់ខ្លួនបន្ទាប់ពីការប៉ះទង្គិចគ្នាដោយអ្នកគាំទ្រក្លឹបទាំងពីរត្រូវបានរាយការណ៍ថាបានរងរបួស។

ស្ថាប័នគ្រប់គ្រងបាល់ទាត់អាមេរិកខាងត្បូង (CONMEBOL) បានបញ្ជាក់ថាបានលុបចោលការប្រកួតនៅពេលមានអំពើហិង្សា។