ភ្នំពេញ៖ កម្លាំងកងរាជអាវុធហត្ថខណ្ឌដង្កោបង្រ្កាបក្មេងទំនើង៣នាក់ និងដកហូតម៉ូតូ២គ្រឿងរក្សាទុក ករណី(បង្ហោះម៉ូតូតាមផ្លូវសាធារណៈ) ។
ការឃាត់នេះបានធ្វើឡើងកាលពីម៉ោង ៤រសៀល ថ្ងៃទី២៤ ខែសីហា ឆ្នាំ២០២៥ ត្រង់ចំណុចផ្លូវបេតុងក្រោយហាងដៃអូន ស្ថិតក្នុងភូមិប្រការ សង្កាត់ព្រៃស ខណ្ឌដង្កោ រាជធានីភ្នំពេញ៖
មន្រ្តីអាវុធហត្ថខណ្ឌដង្កោបានឲ្យដឹងថា ក្មេងក្មេងទំនើងទាំង៣នាក់នាក់ដែលឃាត់ខ្លួនទី ១.ឈ្មោះ អោក ម៉េងហៀង ភេទប្រុស អាយុ១៦ ឆ្នាំ មុខរបរកម្មកររោងចក្រ ស្នាក់នៅភូមិទួលពង្រ សង្កាត់ចោមចៅ ខណ្ឌពោធិ៍សែនជ័យ រាជធានីភ្នំពេញ។
២.ឈ្មោះ លាង គឹមហួរ ភេទប្រុស អាយុ១៦ ឆ្នាំ មុខរបរមិនពិតប្រាកដ ស្នាក់នៅបន្ទប់ជួល ភូមិប្រការ សង្កាត់ព្រៃស ខណ្ឌដង្កោ រាជធានីភ្នំពេញ។
៣.ឈ្មោះ លេង សែនលាន ភេទប្រុស អាយុ ១៨ឆ្នាំ មុខរបរមិនពិតប្រាកដ ស្នាក់នៅបន្ទប់ជួល ភូមិប្រការ សង្កាត់ព្រៃស ខណ្ឌដង្កោ រាជធានីភ្នំពេញ។
សំភសំភារៈដកហូតរួមមាន
-ម៉ូតូ ចំនួន០២គ្រឿង
1.ម៉ាកហុងដា សេ១២៥ ពណ៌ខ្មៅ ឆ្នាំ២០០៦ ពាក់ស្លាកលេខ ព្រៃវែង 1E-8353
2.ម៉ាកហុងដា សេ១២៥ ពណ៌ខ្មៅ ឆ្នាំ២០២៥ ពាក់ស្លាកលេខ តាកែវ 1AE-1292។
កម្លាំងអាវុធហត្ថខណ្ឌដង្កោបានអោយដឹងថា មុននឹងឈានដល់ការឃាត់ខ្លួនក្មេងទំនើងទាំងបីនាក់ គឺកម្លាំងអាវុធហត្ថខណ្ឌដង្កោ បានល្បាតទប់ស្កាត់បទល្មើស និងការពារសុវត្ថិភាពជូនប្រជាពលរដ្ឋក្នុងមូលដ្ឋាន លុះមកដល់ចំនុច ក្រោយហាងដៃអូន ឃើញក្រុមក្មេងទំនើងមួយក្រុម កំពុងតែបង្ហោះម៉ូតូ តាមផ្លូវសាធារណៈ ឃើញដូចនេះ កម្លាំងល្បាតអាវុធហត្ថខណ្ឌដង្កោ ក៏បានឃាត់ខ្លួនក្មេងទំនើងទាំងនោះភ្លាមៗ ជាលទ្ធផល ឃាត់ខ្លួនបានក្មេងទំនើង ០៣នាក់ និងម៉ូតូ២គ្រឿងយកមកធ្វើការអប់រំ និងធ្វើកិច្ចសន្យាបញ្ឈប់រាល់សកម្មភាពទំនើងដែលនាំឲ្យប៉ះពាល់ដល់ការសិក្សា បំផ្លាញទ្រព្យសម្បត្តិ និងកិត្តិយសគ្រួសារ បង្ករការភ័យខ្លាចដល់អ្នកជុំវិញ ក៏ដូចជាបង្ករភាពអនាធិបតេយ្យក្នុងសង្គម ផងដែរ ។
ករណីនេះផងដែរ ក្មេងទំនើងទាំងបីនាក់ កម្លាំងជំនាញយើងបានអប់រំណែនាំ ព្រមទាំងធ្វើកិច្ចសន្យា និងហៅអាណាព្យាបាលមកធានាអោយត្រឡប់ទៅផ្ទះវិញរៀងៗខ្លួន ។ចំណែកវត្ថុតាងត្រូវបានបញ្ជូនទៅការិយាល័យព្រហ្មទណ្ឌកងរាជអាវុធហត្ថរាជធានីភ្នំពេញ រក្សាទុករយៈពេល៣ខែ ទើបប្រគល់ឲ្យវិញ ៕
ដោយ៖ ជ្រោយពេជ្រ
