ខេត្តកំពង់ស្ពឺ៖ ហិង្សាក្នុងគ្រួសារកូនប្រុសប្រេីអាវុធកែឆ្នៃគំរាមបាញ់ទៅលេីម្តាយ,បេីសិនម្ដាយមិនព្រមលក់កេរ្ដិ៍
អាករ យកមកឱ្យខ្លួនចាយវាយនោះទេ។ ករណីប្រើអាវុធកែច្នៃគំរាមទៅលេីម្ដាយ ដោយបានការដឹកនាំបញ្ជា ពី លោកឧត្ដមសេនីយ៍ទោ ឃឹម សុកខៃ ស្នងការនគរបាលខេត្ដកំពង់ស្ពឺ កំលាំងនគរបាលស្រុកសាមគ្គីមុនីជ័យ ក្រោយទទួលបានការស្នេីសុំអន្ដរាគមន៍ពីប្រជាពលរដ្ឋ វេលាម៉ោង២០នឹង១០នាទី នៅថ្ងៃទី២៥ ខែសីហា ឆ្នាំ ២០២៥ កេីតហេតុនៅចំណុចភូមិត្រពាំងសុភី ឃុំភ្នំតូច ស្រុកសាមគ្គីមុនីជ័យ ខេត្តកំពង់ស្ពឺ លោកវរសេនីយ៍ឯក ខឹម សាម៉ុន អធិការនគរបាលស្រុកសាមគ្គីមុនីជ័យ បាន បញ្ជាឱ្យកំលាំងចុះអន្ដរាគមន៍ភ្លាមៗ ។
ករណីខាងលេីនេះជនសង្ស័យជាកូនគំរាមបាញ់សម្លាប់ម្តាយ ជនសង្ស័យ ឈ្មោះ សៀ ផល្លីន ភេទប្រុស អាយុ ៣៥ឆ្នាំ រស់នៅភូមិឃុំខាងលើ ។
តាមការបញ្ជាក់មន្ត្រីនគរបាលស្រុកសាមគ្គីមុនីជ័យ គឺមូលហេតុមកពីម្ដាយមិនព្រមលក់ដីកេរិ្ដដូនតា ឲ្យខ្លួនចាយវាយហ្នឹងគេ ទេីបខឹងបានយកកាំភ្លើងខ្យល់កែច្នៃប្រើហ្គាសទៅគំរាមបាញ់សម្លាប់ម្តាយបង្កើតរបស់ខ្លួនតែម្ដង។ មុខសញ្ញានេះជាជនប្រេីប្រាស់សារធាតុញៀននិងធ្លាប់បានបញ្ជូនទៅមណ្ឌលអប់រំបន្សាបគ្រឿងញៀនមួយលេីក,ពីរលេីករួចផងដែរ តែលទ្ធផលមិនថមថយមកវិញបានមួយរយៈកេីតឡេីងហឹង្សាដដែល។
សមត្ថកិច្ចបានដកហូតវត្តតាងកាំភ្លើងកែឆ្នៃចំនួន១ដេីម (ប្រើហ្គាស)នឹងដែកស្រួចមួយ។ បច្ចុប្បន្នជនសង្ស័យត្រូវបានឃាត់ខ្លួនបញ្ជូនមកអធិការដ្ឋាននគរបាលស្រុកសាមគ្គីមុនីជ័យ សាកសួរបំពេញនីតិវិធីកសាងសំណុំ រឿងចាត់ការតាមច្បាប់៕
