ភ្នំពេញ៖ បុរសម្នាក់ស្រវឹងបានជិះម៉ូតូមួយគ្រឿងរេចង្កូតធ្លាក់ផ្លូវចូលប្រឡាយទឹក ត្រូវបានបងប្អូនប្រជាពលរដ្ឋឃេីញហេតុការណ៍នាំគ្នាជួយសង្គ្រោះ ។
ហេតុការណ៍នេះបានកើតឡើងនៅវេលាម៉ោង៨យប់ ថ្ងៃទី២៥ខែសីហាឆ្នាំ២០២៥ តាមបណ្ដោយផ្លូវជាតិលេខ៣ សង្កាត់ប្រទះឡាង ខណ្ឌកំបូលរាជធានីភ្នំពេញ ។
តាមប្រភពព័ត៌មាន ពីប្រជាពលរដ្ឋ បានអោយដឹងថា មុនពេលកេីតហេតុ គេបានឃើញបុរសម្នាក់ បានជិះម៉ូតូម៉ាកហុងដាពណ៌ពណ៌ខ្មៅ ធ្វើដំណើរតាមបណ្ដោយផ្លូវជាតិលេខ៣ទិសដៅពីកេីតទៅលិច លុះពេលមកដល់ចំនុចកេីតហេតុ ដោយសារតែអ្នកបេីកបរ ស្រវឹង ទើបធ្វើឲ្យម៉ូតូរេចង្កូតធ្លាក់ផ្លូវចូលប្រឡាយទឹកទាំងមនុស្សនិងម៉ូតូតែម្តងទៅ ករណីនេះផងដែរបងប្អូនប្រជាពលរដ្ឋដែរធ្វើដំណើរឆ្លងកាត់ទីនោះ បាននាំគ្នាជួយសង្រ្គោះអូសបុរសរូបនោះមកលើគោក ស្ថិតក្នុងស្ថានស្រវឹង និងបានទាក់ទងហៅរថយន្តសាមុយយកដឹកជនរងគ្រោះយកទៅមន្ទីរពេទ្យ ។
ដោយឡែកម៉ូតូត្រូវសមត្ថកិច្ច មូលដ្ឋានយកទៅរក្សាទុកអោយនៅប៉ុស្តិ៍នគរបាលរដ្ឋបាលប្រទះឡាងផងដែរ ៕
ដោយ៖ ជ្រោយពេជ្រ
