ខេត្តបាត់ដំបង÷នៅថ្ងៃទី២៦ខែ សីហាឆ្នាំ២០២៥ អនុវត្តតាមអនុសាសន៍ របស់នាយឧត្តមសេនីយ៍ ស ថេត អគ្គស្នងការនគរបាលជាតិ និងតាមការចង្អុលទិសដឹកនាំរបស់លោកឧត្តមសេនីយ៍ទោ ដាញ់ អេងប៊ុនចាន់ ស្នងការនៃស្នងការដ្ឋាននគរបាលខេត្តបាត់ដំបង លោក វរសេនីយ៍ទោ ហេង បារាំង អធិការនគរបាលស្រុកបាណន់ បានដឹកនាំឃាត់ក្មេងទំនេីងបង្ហោះម៉ូតូក្នុងមូលដ្ឋានចំនួន០២នាក់ បន្ទាប់ពីរូបគេបបួលគ្នាធ្វេីសកម្មភាពអាណាធិបតេយ្យបង្ហោះម៉ូតូហេីយត្រូវបានផ្សព្វផ្សាយតាមបណ្តាញសង្គមនៅថ្ងៃទី២៦ខែ សីហា ឆ្នាំ២០២៥ នេះ។
ពេលធ្វើការសាកសួរគេបានសារភាពថាពិតជាបានបបួលគ្នាប្រព្រឹត្តការជិះម៉ូតូបង្ហោះប្រាកដមែននៅឃុំស្នឹង ស្រុកបាណន់។
សមត្ថកិច្ចបានដកហូតម៉ូតូរក្សាទុកនៅអធិការដ្ឋាននគរបាលស្រុកបាណន់ជាបណ្តោះអាសន្នរយៈពេល ០៣ខែ និងបានហៅអាណាព្យាបាលមកធ្វើលិខិតធានារួចធ្វើកិច្ចសន្យាអប់រំណែនាំឱ្យបញ្ឈប់រាល់សកម្មភាពពាក់ព័ន្ធបទល្មើសផ្សេងៗ និងយកទៅអប់រំនៅលំនៅឋាន ជាបន្តវិញ រៀងៗខ្លួន៕
