ភ្នំពេញ៖ លោក ហង់ជួនណារ៉ុន ឧបនាយករដ្ឋមន្ត្រី និងជារដ្ឋមន្ត្រីក្រសួងអប់រំយុវជន និងកីឡាបានមានប្រសាសន៍ថា ក្នុងឆ្នាំសិក្សា២០២៤ -២០២៥នេះ មានបេក្ខជនដាក់ពាក្យប្រឡងសញ្ញាបត្របាក់ឌុបជិត១៥ម៉ឺននាក់។

ក្នុងសន្និសីទសារព័ត៌មាន ស្ដីពី “ដំណើរការរៀបចំការប្រឡងសញ្ញាបត្រមធ្យមសិក្សាទុតិយភូមិ” សម័យប្រឡង៖ ២៨ សីហា ២០២៥ លោក ហង់ជួនណារ៉ុនបានមានប្រសាសន៍ថា ឆ្នាំនេះ បេក្ខជនដាក់ពាក្យប្រឡងសញ្ញាបត្របឋមភូមិ ចំនួន ១៤៦.០០០នាក់ ក្នុងនោះមានសិស្សស្រី៨១០០០នាក់ ។ បេក្ខជនថ្នាក់វិទ្យាសាស្ត្រមានជាង៩នាក់ ស្មើនឹង២៨ភាគរយ ហើយបេក្ខជនថ្នាក់វិទ្យាសាស្ត្រសង្គមមានចំនួនប្រមាណ១០០.០០០នាក់ ស្មើនឹង៧២ភាគរយ។
ក្នុងចំណោមបេក្ខជនដាក់ពាក្យប្រឡងទាំងជិត១៥ម៉ឺននាក់នោះ គឺបែងចែកថ្នាក់ ជាបេក្ខជន ចំណេះដឹងទូទៅ មានចំនួន១២៩០០០នាក់ កើនប្រមាណ៨០០០នាក់ បេក្ខជនស្វ័យរិនចំនួន១២០០០នាក់ បេក្ខជនបំពេញវិជ្ជា៣៥០០នាក់ និងបេក្ខជនបំពេញវិជ្ជាស្វ័យរិនចំនួន១៣០០នាក់ ។
ចំណែកមណ្ឌលប្រឡងសំណេរមានចំនួន២៤១មណ្ឌល កើនឡើងចំនួន១១មណ្ឌលបើប្រៀបធៀបទៅនឹងឆ្នាំមុន និងមណ្ឌលកំណែមាន១០មណ្ឌលដដែល។
ជាមួយគ្នានេះ លោករដ្ឋមន្ត្រី ក្រសួងអប់រំ យុវជន និងកីឡាបានអំពាវនាវដល់បេក្ខជនទាំងអស់ត្រូវគោរពបទប្បញ្ញត្តិនៃការប្រឡងឱ្យបានត្រឹមត្រូវ ជាពិសេសមិនត្រូវលាក់ទុកជាប់នឹងខ្លួននូវឧបករណ៍អេឡិចត្រូនិកគ្រប់ប្រភេទចូលក្នុងមណ្ឌលប្រឡង ឬបន្ទប់ប្រឡងជាដាច់ខាត។ ក្នុងករណីរកឃើញថា បានប្រព្រឹត្តសកម្មភាពផ្ទុយនឹងបទប្បញ្ញត្តិ និងកម្រិតវិន័យ បេក្ខជននឹងត្រូវបានកំណត់ឱ្យធ្លាក់ជាស្វ័យប្រវត្តិ។
សូមបញ្ជាក់ថា ការប្រឡងសញ្ញាបត្រមធ្យមសិក្សាទុតិយភូមិឆ្នាំនេះ គឺដំណើរការសំណេរប្រព្រឹត្តិទៅរយៈពេល២ថ្ងៃ ចាប់ពីថ្ងៃទី២៨ និងទី២៩ ខែសីហា ដំណើរការកំណែរចាប់ពីថ្ងៃទី៣០ខែសីហាដល់ថ្ងៃទី៦ខែកញ្ញា ដំណើរស្រង់ពិន្ទុក បូកពិន្ទុកតាមប្រព័ន្ធកុំព្យូទ័រពីថ្ងៃទី៧ដល់ថ្ងៃទី១៨ខែកញ្ញា ហើយប្រកាសលទ្ធផលនៅថ្ងៃទី២០ខែកញ្ញា ឆ្នាំ២០២៥៕

ប្រភព ៖ (PRU)