តើក្នុងកម្មវិធីពានរង្វាន់ធំទ្វីបអ៊ឺរ៉ុបរដូវកាលនេះក្របខ័ណ្ឌអង់គ្លេស Premier League មានតំណាងច្រើនជាងគេរហូតចំនួនប្រាំមួយក្លឹប បន្ទាប់ពីក្រុមកំពូលទាំង 5 កាលពីរដូវកាលមុន ដូចជា Liverpool, Arsenal, City, Chelsea និង Newcastle ដែលមានលក្ខណៈគ្រប់គ្រាន់ជាមួយនឹងក្រុម Tottenham ដែលជាម្ចាស់ជើងឯក Europa League ។

ទាំង Liverpool និង Manchester City នឹងត្រូវប្រឈមមុខនឹងម្ចាស់ជើងឯក 15 សម័យ Real Madrid ក្នុងដំណាក់កាលលីគនៃក្របខ័ណ្ឌ Champions League ខណៈដែល Tottenham និង Newcastle ទាំងពីរត្រូវលេងជាមួយម្ចាស់ជើងឯក Paris St-Germain ។

ការប្រកួតដំបូងនឹងត្រូវលេងនៅថ្ងៃអង្គារ ទី 16 ខែកញ្ញា ហើយការប្រកួតលីកជុំចុងក្រោយនឹងធ្វើឡើងនៅថ្ងៃទី 28 ខែមករា ឆ្នាំ 2026 ដោយមានកាលវិភាគច្បាស់លាស់នឹងធ្វើតាមនៅថ្ងៃខាងមុខ។ វគ្គផ្តាច់ព្រ័ត្រនៃរដូវកាលនេះ នឹងធ្វើឡើងនៅទីក្រុង Budapestប្រទេសហុងគ្រី។

 

តើក្រុមទាំង៦របស់អង់គ្លេស Premier League នឹងត្រូវប្រកួតជាមួយក្រុមណាខ្លះ?

1. Liverpoolនឹងត្រូវប៉ះ Real Madrid (ក្នុងទឹកដី), Inter Milan (ក្រៅដី), Atletico Madrid (ក្នុងទឹកដី), Eintracht Frankfurt (ក្រៅដី), PSV Eindhoven (ក្នុងទឹកដី), Marseille (ក្រៅដី), Qarabag (ក្នុងទឹកដី) និង Galatasaray (ក្រៅដី)។

2. Manchester City៖ Borussia Dortmund (ក្នុងទឹកដី), Real Madrid (ក្រៅដី), Bayer Leverkusen (ក្នុងទឹកដី), Villarreal (ក្រៅដី), Napoli (ក្នុងទឹកដី), Bodo/Glimt (ក្រៅដី), Galatasaray (ក្នុងទឹកដី) និង Monaco (ក្រៅដី)។

3. Chelsea៖ Barcelona (ក្នុងទឹកដី), Bayern Munich (ក្រៅដី), Benfica (ក្នុងទឹកដី), Atalanta (ក្រៅដី), Ajax (ក្នុងទឹកដី), Napoli (ក្រៅផ្ទះ), Pafos (ក្នុងទឹកដី) និង Qarabag (ក្រៅដី)

4. Arsenal៖ Bayern Munich (ក្នុងទឹកដី), Inter Milan (ក្រៅដី), Atletico Madrid (ក្រៅដី), Club Brugge (ក្នុងទឹកដី), Olympiacos (ក្រៅផ្ទះ), Slavia Prague (ក្នុងទឹកដី), Kairat Almaty (ក្រៅដី) និង Athletic Bilbao (ក្នុងទឹកដី)។

5. Tottenham៖ Borussia Dortmund (ក្នុងទឹកដី), Paris St-Germain (ក្រៅដី), Villarreal (ក្នុងទឹកដី), Eintracht Frankfurt (ក្រៅដី), Slavia Prague (ក្នុងទឹកដី), Bodo/Glimt (ក្រៅដី) Copenhagen (ក្នុងទឹកដី) និង Monaco (ក្រៅដី)។

6. Newcastle: Barcelona (ក្នុងទឹកដី), Paris St-Germain (ក្រៅដី), Benfica (ក្នុងទឹកដី), Bayer Leverkusen (ក្រៅដី), PSV (ក្នុងទឹកដី), Marseille (ក្រៅដី), Athletic Bilbao (ក្នុងទឹកដី) និង Union SG (ក្រៅដី)។

 

តើទម្រង់លីគដណ្តើមពិន្ទុដំណើរការយ៉ាងដូចម្តេច?

ក្រុមនីមួយៗក្នុងចំនោមក្រុមទាំង 36 ប្រកួតជាមួយក្រុមចំនួន 8 ផ្សេងៗគ្នា – 4 ក្រុមនៅក្នុងទឹកដី និង 4 ក្រុមនៅក្រៅដី – ក្នុងដំណាក់កាលលីគ(league phase)។

ក្រុមដែលបញ្ចប់ក្នុងចំណាត់ថ្នាក់កំពូលទាំងប្រាំបីមានសិទ្ធិសម្រាប់វគ្គ 16 ក្រុមចុងក្រោយដោយស្វ័យប្រវត្ត ខណៈដែលក្រុមដែលមានចំណាត់ថ្នាក់លេខប្រាំបួនដល់លេខ 24 នឹងប្រកួតប្រជែងក្នុងវគ្គជម្រុះពីរជើងក្នុងវគ្គ Play-off ដើម្បីមានឱកាសចូលរួមជាមួយពួកគេ។ ភាគីដែលបញ្ចប់ក្នុងចំណាត់ថ្នាក់លេខ 25 ឬទាបជាងនឹងត្រូវកាត់ចេញ ហើយនឹងមិនធ្លាក់ទៅ Europa League ឡើយ។ កាលពីរដូវកាលមុន Liverpool បានឈរកំពូលតារាងដោយមាន ២១ ពិន្ទុ ខណៈ Arsenal និង Aston Villa ក៏បានឈរកំពូលតារាងទាំង ៨ ផងដែរ។ Celtic, Newcastle និង Manchester City បានឈានទៅវគ្គ Play-off ដូចក្រុម Club Brugge ចំណាត់ថ្នាក់លេខ ២៤ ដែលមានត្រឹមតែ ១១ ពិន្ទុ។