ក្លឹបបិសាចក្រហម Manchester United បានយល់ព្រមលក់ខ្សែបម្រើស្លាបសញ្ជាតិអាហ្សង់ទីន Alejandro Garnacho ឱ្យក្លឹប Chelsea ក្នុងតម្លៃ 40 លានផោន (54 លានដុល្លារអាមេរិក) ។ តម្លៃលក់របស់កីឡាករវ័យ 21 ឆ្នាំនឹងជាតម្លៃធំបំផុតទីបួនសម្រាប់កីឡាកររបស់ United បន្ទាប់ពី Cristiano Ronaldo, Romelu Lukaku និង Angel di Maria ។

Garnacho បានបញ្ចប់ការសិក្សាពីសាលារបស់ Man Utd បន្ទាប់ពីការចាប់ផ្តើមជាមួយក្រុមយុវជនរបស់ Atletico Madrid ប៉ុន្តែគាត់ត្រូវបានជំរុញឱ្យចាកចេញពីក្រុមបិសាចក្រហមតាំងពីបានដឹងពីការចាប់អារម្មណ៍របស់ Chelsea មកលើគាត់ក្នុងរដូវក្ដៅនេះ។

Garnacho នឹងត្រូវប្រជែងជាមួយកីឡាករចំណូលថ្មីម្នាក់ទៀតនៅ Jamie Gittens នៅស្លាបឆ្វេងក្រោមការដឹកនាំរបស់ Enzo Maresca នៅក្រុមតោខៀវបន្ទាប់ពីមានការជួញដូរដ៏មមាញឹកក្នុងរដូវក្ដៅនេះ។

កីឡាករGarnacho បានបង្ហាញខ្លួន 144 ដងសម្រាប់ United ដោយស៊ុតបញ្ចូលទីបាន 26 គ្រាប់។