ថៃប្រឈមនឹងសម្ពាធទាប ធ្វើឲ្យមានភ្លៀងធ្លាក់ខ្លាំង គ្របដណ្តប់នៅក្នុងខេត្តជាច្រើន បង្កឲ្យមានគ្រោះទឹកជំនន់និងបាក់ដីសម្លាប់មនុស្សជាច្រើន ។

អ្នកស្លាប់ដោយសារតែការរអិលបាក់ដីបឹង Pang Ung នៅស្រុក Mae Chaem ខេត្ត Chiang Mai ប្រទេសថៃ បានកើនឡើងដល់ ៦នាក់ ជាមួយនឹងការរកឃើញសាកសពពីរនាក់បន្ថែមទៀត ខណៈ៣នាក់បាត់ខ្លួន។ នេះបើយោងតាមការចេញផ្សាយដោយកាសែតថៃ The Nation។
ឧបទ្ទវហេតុកាលពីថ្ងៃទី ២៧ ខែសីហា ដោយការរអិលបាក់ដី និងទឹកជំនន់ភ្លាមៗ បានលេបត្របាក់តំបន់នេះ បំផ្លាញផ្ទះប្រហែល៨ខ្នងទាំងស្រុង និងខូចខាតជិត១០០ខ្នងទៀត។ អ្នកស្រុកជាច្រើននាក់បានរងរបួស ឬស្លាប់នៅក្នុងគ្រោះមហន្តរាយនេះ៕ ដោយធីរីណា

រូបថត​: VOV