ខេត្តកំពង់ស្ពឺ៖ ក្រោមការដឹកនាំបញ្ជាពីឧត្ដមសេនីយ៍ទោ ឃឹម សុកខៃ ស្នងការ នៃស្នងការដ្ឋាននគរបាលខេត្ដកំពង់ស្ពឺ លោកវរសេនីយ៍ឯក ខឹម សាម៉ុន អធិការនគរបាលស្រុកសាមគ្គីមុនីជ័យ បានបញ្ជាឱ្យកំលាំងជំនាញចុះអន្ដរាគមន៍ករណីបង្កហិង្សាគំរាមសម្លាប់ម្ដាយបង្កេីត កាលពីវេលាម៉ោង១៤និង៣០នាទី ថ្ងៃទី៣១ ខែ សីហា ឆ្នាំ២០២៥ ទទួលព័ត៌មានតាមរយៈទូរស័ព្ទទាន់ហេតុការណ៍ ដែលទីតាំងកេីតហេតុនៅចំណុចភូមិអង្គសេរី ឃុំជេីងរាស់ ស្រុកសាមគ្គីមុនីជ័យ ខេត្តកំពង់ស្ពឺ ។
តាមការបញ្ជាក់ពីមន្ត្រីនគរបាលបានឲ្យដឹងថា ជនបង្កជាកូនបង្កេីត ឈ្មោះ ផាត មាស ភេទប្រុស អាយុ២៣ឆ្នាំ រស់នៅភូមិ-ឃុំកើតហេតុខាងលើ ដោយកន្លងមកបានធ្វើ សកម្មភាពវាយដំទៅលេីម្តាយរបស់ខ្លួនជាញឹកញាប់ តែនឹកឃេីញថាជាកូន ទេីបចេះតែទ្រាំចុងក្រោយ ដោយ មេីលឃេីញពីមហន្ដរាយកៀក ទេីបម្តាយដាច់ចិត្ដប្ដឹងសមត្ថកិច្ចឲ្យជួយអន្ដរាគមន៍តែម្ដងមិនបណ្តោយគ្រោះ កាចដល់ជីវិតកេីតឡេីងបាន មានតែនគរបាលទេដែលគាត់ជនរងគ្រោះសង្ឍឹម ដោយកូនមានបំណងគំរាមសម្លាប់មិនឲ្យម្ដាយចូលផ្ទះបានឡេីយ ដេីម្បីលួចទ្រព្យ សម្បត្តិក្នុងផ្ទះយកលក់។
តាមចម្លេីយជនសង្ស័យបានឆ្លេីយសារភាពថា កន្លងមកខ្លួនពិតជាបានធ្វេីសកម្មភាពវាយម្តាយ និងគំរាមសម្លាប់ប្រាកដមែន មកពីចង់យកទ្រព្យសម្បត្ដិលក់យកលុយទិញគ្រឿងញៀន បេីមិនឱ្យគឺសម្លាប់។
បច្ចុប្បន្នជនសង្ស័យខាងលើត្រូវបានឃាត់ខ្លួនបញ្ជូនមកអធិការដ្ឋាននគរបាលស្រុកសាមគ្គីមុនីជ័យ ដើម្បីចាត់ការកសាងសំណុំរឿងបញ្ជូនមកស្នងការដ្ឋាននគរបាលខេត្ដអនុវត្ដតាមនីតិវិធីច្បាប់៕
