ខេត្តកំពត ៖ គ្រួសារមួយកំពុងជួបជុំគ្នាក្នុងរដូវបិណ្ឌភ្ជុំអង្គុយនៅមុខផ្ទះ ស្រាប់តែត្រូវបានបុរសម្នាក់ជិះម៉ូតូមកដល់ឈប់មុខផ្ទះហើយដកកាំភ្លើងខ្លីបាញ់រះ បណ្ដាលអោយមានមនុស្សស្លាប់នៅនឹងកន្លែងចំនួន2នាក់ និង2នាក់ទៀតរងរបួសធ្ងន់ដឹកទៅកាន់មន្ទីរពេទ្យ តែទៅមិនទាន់ដល់ពេទ្យផងផង៏បានស្លាប់ម្នាក់ទៀត (សរុបអ្នកស្លាប់ក្នុងហេតុការណ៍បាញ់ប្រហារនេះមានចំនួន3នាក់ និងរបួសធ្ងន់ម្នាក់)។
ករណីបាញ់ប្រហារខាងលើនេះបានកើតឡើងនៅវេលាម៉ោង8យប់ថ្ងៃទី២០ខែកញ្ញា ឆ្នាំ២០២៥ នៅភូមិស្រែព្រៃ ឃុំវត្តអង្គខាងត្បូង ស្រុកបន្ទាយមាស ខេត្តកំពត ។
តាមការរៀបរាប់របស់ស្ត្រីឈ្មោះហួន ប្រាណ អាយុ៣៧ ឆ្នាំ ត្រូវជាសាច់ញាតិរបស់ជនរងគ្រោះខាងលើបានប្រាប់ឱ្យដឹងថា ជនរងគ្រោះដែលបានស្លាប់និងរបួសក្នុងការបបាញ់ប្រហារនេះរួមមាន១-ឈ្មោះញ៉ែត ជ្រឿន ភេទស្រី អាយុ65ឆ្នាំ ត្រូវជាម្តាយរបស់ឈ្មោះហួន ប្រាណ (បានស្លាប់) និង២-ឈ្មោះហួន ជ្រុយ ភេទស្រី អាយុ32ឆ្នាំ ត្រូវជាប្អូនស្រីរបស់ឈ្មោះហួន ប្រាណ (បានស្លាប់) និង៣-ឈ្មោះឯម វី ភេទប្រុស អាយុ53ឆ្នាំ ត្រូវជាប្តីរបស់ឈ្មោះហួន ប្រាណ (បានស្លាប់) និង៤-ឈ្មោះរ៉ា សុខហេង ភេទប្រុស អាយុ21ឆ្នាំ ត្រូវជាកូនរបស់ឈ្មោះហួន ប្រាណ (របួសធ្ងន់) ។
ស្ត្រីឈ្មោះហួន ប្រាណ និយាយប្រាប់បន្តថា មុនពេលកើតហេតុ នារដូវបិណ្ឌភ្ជុំ ជួបជុំបងប្អូនហើយកូនប្រុសរបស់គាត់ដែលត្រូវគេបាញ់រងរបួសធ្ងន់នោះ កំពុងអាំងបបែលហើយឆ្កែវាព្រូស ក៏យកស្បែកជើងគប់ឆ្កែខ្ទាតស្បែកជើងត្រូវស្ត្រីម្នាក់ដែលធ្លាប់មានរឿងរ៉ាវប្ដឹងផ្ដល់គ្នាម្ដងជា2ដង។ ពេលនោះក្រុមសាច់ញាតិជនរងគ្រោះបានសុំទោសស្ត្រីដែលខ្ទាតស្បែកជើងត្រូវរួចរាល់ហើយ តែស្ត្រីនោះមិនព្រមមិនសុខចិត្តក៏ទូរស័ព្ទហៅបុរសជាប្ដីដែលជាទាហាននោះជិះម៉ូតូមកឈប់ ហើយចុះដកកាំភ្លើងខ្លីបាញ់ដួលរណូករណែលតែម្ដង ។ អ្វីដែលគួរអោយអាណិតស្ត្រីម្នាក់មិនទាន់ស្លាប់សុំលើកដៃអង្វរ បែរជាជននោះមកវាយបន្ថែមទៅលើជនរងគ្រោះទាំងដែលមិនទាន់ដាច់ខ្យល់។
ស្ត្រីខាងលើបានបន្តថា ជុំវិញករណីខាងលើជាគំនុំយូរហើយរឿងគ្រួសារគាត់ទៅជួយឃាត់គេឈ្លោះគ្នាទំនាស់ទី2រឿងជះទឹកបុណ្យចូលឆ្នាំ។ទោះជាបែបណាគេចាត់ទុកថាអ្នកឃាតកពិតជាឃោរឃៅណាស់។
ក្រោយកើតហេតុ នគរបាលខេត្តស្រុកបានរកឃើញសំបកគ្រាប់ចំនួន១៥គ្រាប់ហើយអត្តសញ្ញាណអ្នកបបាញ់ក៏ស្គាល់អស់ហើយដែរកំពុងតែតាមស្រាវជ្រាវចាប់ខ្លួន ៕
