ភ្នំពេញ÷ អនុវត្តបទបញ្ជាផ្ទាល់របសឧត្តមសេនីយ៍ឯក ជួន ណារិន្ទ អគ្គស្នងការរងនិងជាស្នងការនគរបាលរាជធានីភ្នំពេញ,កម្លាំងអធិការដ្ឋាននគរបាលខណ្ឌបឹងកេងកងសហការជាមួយកម្លាំងជំនាញព្រហ្មទណ្ឌស្នងការដ្ឋាននគរបាលរាជធានីភ្នំពេញ និងកម្លាំងអធិការដ្ឋាននគរបាលខណ្ឌដូនពេញ បានស្រាវជ្រាវបង្រ្កាបឃាត់ខ្លួនជនសង្ស័យ៥ នាក់ ពីបទចាប់បង្ខាំង ជនជាតិកូរ៉េ និងធ្វើទារុណកម្ម ព្រមទាំងកាន់កាប់អាវុធខុសច្បាប់ ។
ជនរងគ្រោះឈ្មោះ HA CHEONGIL ភេទប្រុស អាយុ៥១ឆ្នាំ ជនជាតិកូរ៉េ កាន់លិខិតឆ្លងដែនលេខ M087L6505 ។
សមត្ថកិច្ចឃាត់ខ្លួនជនសង្ស័យ ៥ នាក់រួមមាន៖ 1/ឈ្មោះ ZHAO YUNLONG ភេទប្រុស អាយុ៣៧ឆ្នាំ ចិន កាន់លិខិតឆ្លងដែនលេខ EEI877707 ,2/ឈ្មោះ XU TONGHUI ភេទប្រុស អាយុ៣៩ឆ្នាំ ចិន កាន់លិខិតឆ្លងដែនលេខ EE7877069 ,3/ឈ្មោះ DO YONGZHI ភេទប្រុស អាយុ៤៥ឆ្នាំ ចិន (គ្មានលិខិតឆ្លងដែន) ,4/ឈ្មោះ ZHENG MING ZIE ភេទប្រុស អាយុ៤១ឆ្នាំ ចិន (គ្មានលិខិតឆ្លងដែន) និង៥/ឈ្មោះ ភុំ វុទ្ធី ភេទប្រុស អាយុ៣៥ឆ្នាំ ខ្មែរ (អ្នកបេីកបរ) ។
គួរបញ្ជាក់ថានៅថ្ងៃទី ២១ខែកញ្ញាឆ្នាំ២០២៥ វេលាម៉ោង ២០និង៣០ បុរសជាជនរងគ្រោះបានជិះរថយន្ត០១ គ្រឿង ម៉ាក TOYOTA PRUS ពណ៌ស ផ្លាកលេខ ភ្នំពេញ 2BK-2195 មកចតនៅទីតាំងកើតហេតុ ហេីយបានដេីរចូលទៅក្នុងហាងកាហ្វេ TEMPLE ស្ថិតនៅសង្កាត់បឹងកេងកងទី១ ខណ្ឌបឹងកេងកង រហូតដល់ ម៉ោងប្រហែល ២១និង៥០នាទី ជនរងគ្រោះបានដេីរចេញពីហាងកាហ្វេ មករថយន្តវិញ។ ពេលដេីរទៅដល់រថយន្តក៏ស្រាប់ តែមានជនសង្ស័យ០៥នាក់ខាងលើជិះរថយន្ត ០១ គ្រឿង ម៉ាក GAC ពណ៌ខ្មៅ ផ្លាកលេខ 2CI-7687 បានចាប់ជនរងគ្រោះឡេីងជិះរថយន្តជិះគេចខ្លួនបាត់ទៅ ។
ក្រោយមកសន្តិសុខ ក៏បានរាយការណ៍មកកម្លាំងសមត្ថកិច្ច ហើយកម្លាំងសមត្ថកិច្ចក៏បានចុះទៅដល់ចេញជួយអន្តរាគមន៍ ក៏បានឃើញរថយន្តរបស់ជន សង្ស័យបើកត្រឡប់មកវិញ បម្រុងនឹងយករថយន្តរបស់ជនរងគ្រោះ ក៏ត្រូវបានកម្លាំងសមត្ថកិច្ចឃាត់បានជន សង្ស័យឈ្មោះ ZHAO YUNLONG និងបន្តទៅឃាត់ខ្លួនជនសង្ស័យ ០៤ នាក់ខាងលើបានបន្តទៀត។
នៅថ្ងៃទី ២២ខែកញ្ញា២០២៥ ម៉ោង ១៧និង០០ ដោយកម្លាំងរបស់អធិការដ្ឋានខណ្ឌបឹងកេងកង សហការជាមួយកម្លាំងការិយាល័យព្រហ្មទណ្ឌកំរិតស្រាល និងកម្លាំងអធិការដ្ឋានខណ្ឌដូនពេញ នៅចំណុចសណ្ឋាគារ ៨៨៩ ផ្លូវព្រះស៉ីសុវត្ថិ សង្កាត់ចតុមុខ ខណ្ឌដូនពេញ និងបានឆែកឆេរត្រួតពិនិត្យរកឃើញ កាំភ្លេីងខ្លី០១ដេីម ម៉ាកK54 ,បង់០២ ,គ្រាប់០៩គ្រាប់ ,ដំបងដែក០១ ,វិទ្យុទាក់ទង០៣, ស្រោមកាំភ្លេីងជ័រ០១ ,ថ្នាំញៀនប្រភេទយ៉ាម៉ា ១១២ គ្រាប់ ,លិខិតឆ្លងដែន០២ក្បាល និងទុយោសម្រាប់ប្រេីប្រាស់គ្រឿងញៀនមួយចំនួន ។
បច្ចុប្បន្ន ជនសង្ស័យទាំង៥នាក់ខាងលើ រួមនិងវត្ថុតាង កំពុងឃាត់ខ្លួននៅអធិការដ្ឋាននគរបាលខណ្ឌបឹងកេងកង បណ្តោះអាសន្ន ដេីម្បីកសាងសំណុំរឿងបញ្ជូនទៅតុលាការ ៕
