ភ្នំពេញ÷ នៅព្រឹកថ្ងៃទី៣០ ខែកញ្ញា ឆ្នាំ២០២៥ ក្រុមប្រឹក្សាខណ្ឌសែនសុខ បានបើកកិច្ចប្រជុំសាមញលើកទី១៦ អាណត្តិទី៤ ក្រោមអធិបតីភាព លោកស្រី ឈាន សុខេន ប្រធានក្រុមប្រឹក្សាខណ្ឌសែនសុខ លោក ម៉ូវ ម៉ានិត អភិបាល នៃគណៈអភិបាលខណ្ឌសែនសុខ។ ក្នុងនោះក៏មានការអញ្ជើញចូលរួមពី សមាជិក សមាជិកាក្រុមប្រឹក្សាខណ្ឌ លោកអភិបាលរងខណ្ឌ លោកអធិការរងនគរបាលខណ្ឌ លោកមេបញ្ជាការរងកងរាជអាវុធហត្ថខណ្ឌ កំលាំងភូមិភាគពិសេសប្រចាំខណ្ឌ លោកនាយក នាយករងរដ្ឋបាលខណ្ឌ ប្រធានការិយាល័យទាំង១០ ប្រធានអង្គភាពលទ្ធកម្ម លោកចៅសង្កាត់ទាំង៦ តំណាងអាជីវករ តំណាងប្រជាពលរដ្ឋ តំណាងអង្គការសង្គមសុីវិល សរុបអ្នកចូលរួម ៥២នាក់ ។
កិច្ចប្រជុំនេះមានរបៀបវារៈប្រជុំចំនួន០៥ ដូចខាងក្រោម៖
១- ពិនិត្យ និងអនុម័តលើសំណើសុំអនុញ្ញាតច្បាប់របស់ លោក វង្ស ស្លូតឌី សមាជិកក្រុមប្រឹក្សាខណ្ឌសែនសុខ កំពុងសម្រាកព្យាបាលជំងឺ ។
២-ពិនិត្យ និងអនុម័តលេីសេចក្តីព្រាងកំណត់ហេតុកិច្ចប្រជុំសាមញ្ញលេីកទី១៥ របស់ក្រុមប្រឹក្សាខណ្ឌ អាណត្តិទី៤ ។
៣-ពិនិត្យ និងអនុម័តលេីសេចក្ដីព្រាងរបាយការណ៍ប្រចាំខែកញ្ញា ស្តីពីការអនុវត្តការងាររបស់ខណ្ឌសែនសុខ។
៤-ពិនិត្យ និងអនុម័តលេីសំណេីបែងចែកប្រាក់រង្វាន់លេីកទឹកចិត្តដែលបានមកពីការផ្តល់សេវារដ្ឋបាល សំរាប់ឧបត្ថម្ភជូនមន្ត្រី បុគ្គលិក នៃរដ្ឋបាលខណ្ឌសែនសុខ ប្រចាំខែសីហា ឆ្នាំ២០២៥។
៥-ការងារផ្សេងៗ ៕
ដោយ÷ចន្ទ លីហ្សា
