ភ្នំពេញ ៖ 💥 គ្មានសន្តិភាព ឯណាដែលបានមកដោយគ្មានការបង្ហូរឈាមនោះទេ ។

💥 សង្គ្រាមមិនអាចបញ្ចប់ ដោយសង្គ្រាមបានទេ !

🔹 បើសិនជាយើង ពិចារណាលើឃ្លាទាំង ២នេះ វាប្រទាក់ក្រឡាគ្នា ដោយសារបទពិសោធន៍ ជាប្រទេសដែលឆ្លងកាត់ សង្គ្រាមរាប់ ស.វ សូម្បី ជាង៤០០ឆ្នាំចុងក្រោយ ប្រទេសកម្ពុជា មិនដែលមានពាក្យថា « ឯករាជ្យជាតិ និងមានសន្តិភាព ពេញលេញនៅឡើយទេ » ។ ដោយសារការបែកបាក់ផ្ទៃក្នុង ហើយគ្រប់សម័យកាល គឺតែងតែមាន ក្រុមដែលតែងតែឆ្លៀតឱកាស ប្រទេសជាតិមានសង្គ្រាមហើយបះបោរ រហូតរលាយប្រទេស តាំងពីមហាអាណាចក្រមួយ មកសល់ដីប៉ុនមេដៃនៅលើផែនទី ។

🔹 អាចនិយាយបានថា ប្រទេសយើងក៏នៅតែបន្តមានសង្គ្រាម ពី ទ.វ ៧០ រហូតដល់ ទ.វ ៩០ ជាពេលវេលាដែលយើងធ្លាក់នរកទាំងរស់ ក្នុងសម័យវាលពិឃាត និងរស់នៅយ៉ាងវេទនាក្រោយរំដោះ ។ បើសិនជា 🔺 គ្មានរណសិរ្ស ២ធ្នូ ១៩៧៨ 🔺 គ្មាន ៧ មករា ១៩៧៩ 🔺 គ្មាន ២៣ តុលា ១៩៩១ 🔺 គ្មានការបោះឆ្នោតរៀបចំដោយ UN ប្រទេសយើងក៏ពិបាករកសន្តិភាពដែរ។

🔹 ការរំដោះប្រទេសពី ខ្មែរក្រហមនេះហើយដែលគេហៅថា « 💥 គ្មានសន្តិភាព ឯណាដែលបានមកដោយគ្មានការបង្ហូរឈាមនោះទេ ។ » ។

🔹 ចាប់ពី ១៩៩៣ បោះឆ្នោតរៀបចំដោយ អ៊ុនតាក់ ប្រទេសយើង ផ្អាកសង្គ្រាមមែន តែមិនទាន់បាន សន្តិភាពពេញលេញនោះទេ ព្រោះទឹកដីត្រូវបាន បែកជាចំណែកៗ ហើយកងកម្លាំង ក៏មិនទាន់ប្រមូលផ្តុំតែមួយ មានខាងខ្មែរក្រហម ទាហានប៉ារ៉ា ទាហានហ្វុនសុីនបុិច ទាហានបក្សប្រជាជន ទាហានរណសិរ្សតូចៗ តាមព្រំដែន -ល- ។

🔹 ក្រោយបោះឆ្នោត ៩៣ រហូតដល់ ៩៧ ក៏យើងនៅមិនទាន់ សន្តិភាព និងមានស្ថេរភាព ១០០% នោះដែរ ភ្នំមួយមិនអាចមាន ខ្លាឈ្មោលពីរនោះទេ ។ តែដោយសារ គោលនយោបាយឈ្នះៗ របស់គណបក្សប្រជាជន ដែលបានកែទម្រង់លើវិស័យមួយចំនួនដូចជា : ▪️វិស័យ នយោបាយ ▪️វិស័យ សង្គម ▪️វិស័យ សេដ្ឋកិច្ច និង ▪️វិស័យ អប់រំ ។
ហើយអ្វីដែលជោគជ័យបំផុតគឺ ការបង្រួមបង្រួម កងកម្លាំង ផ្សះផ្សារជាតិ សមាហរណកម្មកងទ័ពខ្មែរក្រហម ជាមួយកងទ័ពរដ្ឋាភិបាលធ្វើឲ្យកងកម្លាំងទ័ពមានការឯកភាព ដើម្បីស្តារប្រទេស និងកសាងប្រទេស ។ ជោគជ័យ នៃនយោបាយ ឈ្នះៗ និង យុទ្ធសាស្ត្រ DIFID របស់ សម្តេចតេជោ នោះហើយ ដែលហៅថា «💥 សង្គ្រាមមិនអាចបញ្ចប់ ដោយសង្គ្រាមបានទេ ! » យើងឈ្នះទាំងអស់គ្នា យើងបញ្ចប់សង្គ្រាមដោយប្រើចុងប៊ិច ចរចាគ្នាជាជាងប្រើកម្លាំងសម្លាប់ ខ្មែរ និង ខ្មែរ ។

🔹 យើងបានសន្តិភាពពេលលេញ ៣០ឆ្នាំ ១៥ឆ្នាំ ចុងក្រោយយើងប្រឹងអភិវឌ្ឍន៍ ស្មើមុខ ស្មើមាត់ ជាមួយគេក្នុងតំបន់ បើរវល់តែមានសង្គ្រាម វាដូចជាប្រទេសកំពុងដើរថយក្រោយវិញអុីចឹង ។ សូម្បីសង្គ្រាមខ្មែរ-សៀម ពេលនេះ យោងតាមប្រសាសន៍របស់សម្តេចមហាបវរធិបតី ហ៊ុន ម៉ាណែត « សង្គ្រាមគឺជា ទីលានដែលក្មេងៗ យុវជន មិនដែលស្គាល់គ្នា មិនដែលស្អប់គ្នា ប៉ុន្តែសម្លាប់គ្នា » បើយើងនៅមានវិធី បញ្ជៀសការបង្ហូរឈាមបាន ហេតុអ្វីចង់អោយទាហានបន្តបាញ់គ្នា ?

🔹 ការអត់ធ្មត់ ស្ងប់ស្ងាត់ តែមិនស្ងៀម យើងបន្តច្បាំងសង្គ្រាមការទូត រាល់ថ្ងៃទាំងនៅក្នុងតំបន់ និងលើឆាកអន្តរជាតិ ។ យើងស្ងប់ សំលេងអាវុធ តែយើងមិនបានស្ងាត់ ក្នុងការស្រែករកយុត្តិធម៌ និងសន្តិភាពសម្រាប់ប្រទេសមួយនេះទេ ។

🔹 ទាហានយើង ប្រចាំបញ្ជា ២៤/៧ រងចាំតែអនុវត្តន៍បទបញ្ជា យើងត្រៀមខ្លួនជានិច្ចក្នុងការពារបូរណភាពទឹកដី ។
បងប្អូនប្រឹងរៀន ប្រឹងធ្វើការ ប្រឹងរកសុីចុះ ព្រំដែនទុកអោយពួកខ្ញុំ ៕

អត្ថបទដោយ ៖ មេទ័ព លីពូ ទស្សនៈលីពូ #ពលទោអភព្វ 🇰🇭