ខេត្ដសៀមរាប៖ ស្ដ្រីខ្មែរ២នាក់មាន ស្រុកកំណើតនៅខេត្ដផ្សេងគ្នាដែលមេ ខ្យល់នាំយកទៅរៀបការជាមួយបុរសជនជាតិចិននៅខេត្ដក្វាងចូវ ប្រទេសចិន ត្រូវបានអគ្គកុងស៊ុលជួយសង្គ្រោះនោះ បានបញ្ជូនត្រឡប់មកដល់ប្រទេសកម្ពុជា វិញហើយ ។
អ្នកទាំង២នោះមកតាមជើងយន្ដ ហោះដោយចេញពីទីក្រុងក្វាងចូវនិងបានមកដល់អាកាសយានដ្ឋានអន្ដរជាតិនៅ ខេត្ដសៀមរាបកាលពីវេលាម៉ោង៣ រសៀលថ្ងៃទី៥ ខែសីហា ឆ្នាំ២០១៥។ សមត្ថកិច្ចនគរបាលការិយាល័យប្រឆាំងការជួញដូរមនុស្ស និងការពារអនីតិជន នៃស្នងការដ្ឋាននគរបាលខេត្ដសៀមរាប បានទៅទទួលយកស្ដ្រីទាំង២ចេញពីក្នុង ព្រលានយន្ដហោះអន្ដរជាតិសៀមរាបរួចនាំមកកាន់ការិយាល័យដើម្បីសាកសួរ ។
បើតាមការឱ្យដឹងតាមរយៈលិខិត របស់អគ្គកុងស៊ុលកម្ពុជាផ្ញើជូនរដ្ឋមន្ដ្រី ក្រសួងការបរទេសនិងសហប្រតិបត្ដិការអន្ដរជាតិកម្ពុជាដឹកនាំដោយលោកវរ សេនីយ៍ត្រី ជា ហេង នាយរងការិយា ល័យប្រឆាំងការជួញដូរមនុស្សនិងការ ពារអនីតិជននៃស្នងការដ្ឋាននគរបាល ខេត្ដសៀមរាបទៅទទួលយកនិងនាំមក កាន់ការិយាល័យដើម្បីសាកសួរ និង រៀបចំសំណុំបែបទបញ្ជូនទៅមន្ទីរសង្គម កិច្ច អតីតយុទ្ធជន និងយុវនីតិសម្បទា ខេត្ដសៀមរាបអនុវត្ដតាមនីតិវិធីដើម្បី ប្រគល់ឱ្យក្រុមគ្រួសារជនរងគ្រោះមក ទទួលយកទៅជួបជុំក្រុមគ្រួសារវិញ ។
បើតាមការរៀបរាប់របស់ស្ដ្រីរង គ្រោះឈ្មោះ ងួន ចាន់ណា អាយុ២៤ឆ្នាំ មុខរបរកម្មកររោងចក្រនៅរាជធានីភ្នំ ពេញ មានស្រុកកំណើតនៅភូមិតាដែង ឃុំពោធិ៍ម្រៀល ស្រុកបសេដ្ឋ ខេត្ដកំពង់ ស្ពឺដែលមានលិខិតឆ្លងដែនលេខ១៤៩៦៩៩៨បានប្រាប់សមត្ថកិច្ចឱ្យដឹងថា ខ្លួន បានចាកចេញពីស្រុកកំណើតតាមអាកាស យានដ្ឋានអន្ដរជាតិភ្នំពេញកាលពីព្រឹក ថ្ងៃទី១ ខែកក្កដា ឆ្នាំ២០១៣ ទៅដល់ ប្រទេសចិននៅយប់ថ្ងៃទី១ ខែកក្កដា ឆ្នាំ ២០១៣ ។
ស្ដ្រីរងគ្រោះបានរៀបរាប់ប្រាប់ សមត្ថកិច្ចបន្ដថា ដំបូងនាងបានស្គាល់ ស្ដ្រីចំណាស់ម្នាក់មិនស្គាល់ឈ្មោះហើយបានប្រាប់នាងថា មានចំណាប់អារម្មណ៍ ចង់រៀបការទៅនៅស្រុកចិនដែរឬទេ? ព្រោះគេមានលុយ ពេលនោះនាងក៏បាន ប្រាប់ម្ដាយនៅស្រុក បន្ទាប់មកស្ដ្រីជា មេខ្យល់នោះក៏ឱ្យនាងទៅថតរូបយក ឱ្យបុរសជាជនជាតិចិនមើល ។ ក្រោយពី ថតរូបនិងប្រាប់ម្ដាយរួចនាងក៏យល់ព្រម ជាមួយមេខ្យល់នោះ ហើយគាត់ក៏វិល មករាជធានីភ្នំពេញជាមួយនាងឱ្យទៅធ្វើឯកសារដូចជា លិខិតឆ្លងដែន សំបុត្រ យន្ដហោះ និងចំណាយផ្សេងៗគាត់ (ស្ដ្រី មេខ្យល់) ជាអ្នកចេញទាំងអស់ហើយ គាត់ឱ្យលុយនាងចំនួន១.០០០ដុល្លារ ដើម្បីយកទៅឱ្យម្ដាយនាងនៅឯស្រុក ។
ស្ដ្រីរងគ្រោះបាននិយាយបន្ដទៀតថា ពេលចុះពីលើយន្ដហោះគាត់ក៏នាំនាងទៅ ផ្ទះរបស់បុរសជាប្ដីនេះនៅខេត្ដក្វាងចូវក៏រស់នៅជាមួយគ្នារហូតបានរយៈពេល២ឆ្នាំ ទើបក្រុមគ្រួសារខាងប្ដីដែលជាជនជាតិចិនបានធ្វើបាបនាងមិនឱ្យហូបចុកគ្រប់ គ្រាន់និងធ្វើបាបផ្លូវចិត្ដនាងថែមទៀត ។
ស្ដ្រីរងគ្រោះបានបញ្ជាក់ថា ទីបំផុត នាងក៏ដាច់ចិត្ដលួចរត់ចេញពីផ្ទះទាំងព្រឹក នៅថ្ងៃទី១៨ ខែកក្កដា ឆ្នាំ២០១៥ ជិះ រថយន្ដក្រុងអស់រយៈពេល១យប់ទើបមកដល់អគ្គកុងស៊ុលកម្ពុជាប្រចាំនៅទីក្រុងក្វាងចូវ ប្រទេសចិន ដោយខ្លួនឯងហើយ សម្រាកនៅទីនោះបាន១៧ថ្ងៃ ។
ចំណែកស្ដ្រីម្នាក់ទៀតឈ្មោះ សូ ចិន្ដា អាយុ៣៤ឆ្នាំ មុខរបរកសិករ មានស្រុក កំណើតនៅភូមិស្ពឺ ឃុំជយោ ស្រុក ចំការលើ ខេត្ដកំពង់ចាម មានលិខិតឆ្លង ដែនលេខ៩៩៩៤៩១៣៣ បានរៀបរាប់ ប្រាប់សមត្ថកិច្ចឱ្យដឹងថា ខ្លួនបានចាក ចេញពីស្រុកខ្មែរតាមអាកាសយានដ្ឋានអន្ដរជាតិភ្នំពេញកាលពីព្រឹកថ្ងៃទី២១ ខែ មករា ឆ្នាំ២០១៥ ទៅដល់ប្រទេសចិន នៅយប់ថ្ងៃទី២១ ខែមករា ឆ្នាំ២០១៥ ។
ស្ដ្រីរងគ្រោះបានរៀបរាប់ប្រាប់សមត្ថកិច្ចបន្ដថា ដំបូងនាងបានស្គាល់ស្ដ្រី ចំណាស់ម្នាក់ជាមេខ្យល់មិនស្គាល់ឈ្មោះបានប្រាប់នាងថា នៅមេម៉ាយដល់ណា ទៀតបើចង់រៀបការទៅនៅស្រុកចិនខ្ញុំ នឹងជួយឱ្យគេផ្ញើលុយពីស្រុកចិនឱ្យដើម្បីទុកចិញ្ចឹមកូន? ពេលនោះនាក៏ទៅប្រាប់ ម្ដាយនាងថា មានគេឱ្យរៀបការទៅចិន ហើយម្ដាយនាងក៏យល់ព្រម ។ បន្ទាប់ មកនាងក៏ឡើងមកភ្នំពេញជួបជាមួយ មេខ្យល់នោះឱ្យទៅថតរូបដើម្បីទុកឱ្យ បុរសជនជាតិចិនមើល ។
ស្ដ្រីរងគ្រោះបានបន្ដទៀតថា ក្រោយពី ថតរូបនិងប្រាប់ម្ដាយរួចក៏យល់ព្រមជាមួយមេខ្យល់នោះ ហើយគាត់នាំឱ្យទៅធ្វើ ឯកសារដូចជា លិខិតឆ្លងដែន សំបុត្រ យន្ដហោះ និងចំណាយផ្សេងៗទាំងអស់ គាត់ជាអ្នកចេញ ។ ស្ដ្រីរងគ្រោះបន្ថែម ថា ពេលចុះពីយន្ដហោះមានមេខ្យល់ជា ជនជាតិចិនមកទទួលនាងពីចំណតយន្ដ ហោះជិះរថយន្ដជាមួយគាត់ទៅជួបបុរស ជាប្ដីនោះនិងបានរស់នៅជាមួយគ្នាជិត ៨ខែ ប៉ុន្ដែក្រុមគ្រួសារខាងប្ដីបានធ្វើបាប នាងមិនឱ្យហូបចុកគ្រប់គ្រាន់និងធ្វើបាបផ្លូវចិត្ដគឺធ្វើបាបដូចគ្នានឹងស្ដ្រីរងគ្រោះ ខាងលើដែរ ។
ស្ដ្រីរងគ្រោះបានបញ្ជាក់ថា ទីបំផុត នាងក៏ដាច់ចិត្ដលួចរត់ចេញពីផ្ទះទាំង ព្រឹកនៅថ្ងៃទី២៩ ខែកក្កដា ឆ្នាំ២០១៥ ជិះរថយន្ដក្រុងអស់រយៈពេល១យប់ទើបដល់អគ្គកុងស៊ុលកម្ពុជាប្រចាំនៅទីក្រុងក្វាងចូវ ប្រទេសចិនដោយខ្លួនឯង ហើយ សម្រាកនៅទីនោះបាន៧ថ្ងៃ ។ ដោយ មានការជួយជ្រោមជ្រែងអន្ដរាគមន៍ពីសំណាក់អគ្គកុងស៊ុលកម្ពុជាប្រចាំនៅ ទីក្រុងក្វាងចូវនាងក៏ត្រូវបានត្រឡប់មកដល់ប្រទេសកម្ពុជាវិញ ។
បច្ចុប្បន្នការិយាល័យនគរបាលប្រឆាំង ការជួញដូរមនុស្ស និងការពារអនីតិជន នៃស្នងការដ្ឋានខេត្ដសៀមរាបបានបញ្ជូន ស្ដ្រីរងគ្រោះទាំង២នាក់ទៅមន្ទីរសង្គម កិច្ច អតីតយុទ្ធជន និងយុវនីតិសម្បទា ខេត្ដកាលពីរសៀលថ្ងៃទី៥ ខែសីហា និង បានប្រគល់ឱ្យក្រុមគ្រួសារនៅព្រឹកថ្ងៃទី៦ ខែសីហា ឆ្នាំ២០១៥ ៕
ដោយ៖ ជានិរន្ដរ៍
