ក្រុមអ្នកឯកទេសពីសុវត្ថិភាពចរាចរណ៍បានឲ្យដឹងថា ជារៀងរាល់ឆ្នាំមានកុមារនៅអាមេរិកយ៉ាងតិច៥០នាក់ស្លាប់ដោយសារតែឪពុកម្តាយភ្លេចទុកកូនឲ្យនៅក្នុងរថយន្តក្រោមកម្តៅក្តៅខ្លាំង។ ហេតុការបែបនេះតែងតែកើតឡើងជាញឹកញប់ធ្វើឲ្យមនុស្សជាច្រើនដាក់សំនួរសួរថាធ្វើយ៉ាងណាដើម្បីបញ្ចប់បញ្ហាខាងលើ ។
ប្រតិកម្មចំពោះហេតុការណ៍ខាងលើ នាងRenee Brown ជាស្ត្រីមានកូនពីរនាក់រស់នៅទីក្រុងStar City ( Arkansas) បានឲ្យដឹងថានាងពិតជាមិនយល់ហេតុអ្វីបានជាទុកកូនចោលដូច្នេះ។ កូនៗគឺជាអាទិភាពដំបូងគេបង្អស់របស់នាង ។ ចំណែកលោកMalvern ដែលជាឪពុកមានកូនពីរនាក់ក៏បានរៀបរាប់ដូចគ្នានោះដែរថា«កូនៗរបស់គាត់តែងតែធ្វើឲ្យមានសម្លេងដើម្បីដឹងថាគាត់មានកូនអង្គុយនៅពីខាងក្រោយ។បើទោះបីជាបែបណាក្តីធ្វើជាឪពុកម្តាយមិនត្រូវបោះបង់កូនចោលឡើយ ។
ផ្ទុយទៅវិញវេជ្ជបណ្ឌិតJeremy Porter ឯកទេសជម្ងឺកុមារបានឲ្យដឹងថា ទាំងនោះជាគ្រោះថ្នាក់ដោយអចេតនា។ លោកបន្តទៀតថា «យើងមានការងារវល់ច្រើនទាំងនោះជាការពិត យើងត្រូវរត់ឆ្វេងរត់ស្តាំ ដាក់មួយនេះចុះយកមួយទៀតឡើង ហើយការភ្លេចខ្លួនមួយភ្លេតជារឿងមិនអាចគេចផុត ។
មួយវិញទៀតនៅពេលដែលកូនតូចកំពុងតែដែលនៅលើរថយន្ត ឪពុកម្តាយមិនហ៊ានដាស់កូនងើបឡើយ ដោយទុកឲ្យបន្តដេកហើយ ចូលទៅក្នុងផ្សាទិញឥវាន់បន្តិច ដោយទិញទឹកដោះគោឬកន្សែងត្រជាក់ជាដើម។ ដោយដឹងថាខ្លួនទៅមិនយូរឡើយទិញតែមួយមុខប៉ុណ្ណោះនិងត្រឡប់មកវិញ ប៉ុន្តែនៅពេលចូលដល់ផ្សារក៏ត្រូវទំនិញអូសទាញ ឬមានហេតុការណ៍អ្វីកើតឡើងនៅក្នុងផ្សារវើសឲ្យម្តាយឬឪពុកនោះបង្វែរអារម្ភមួយរំពេចទៅក្នុងហេតុការណ៍នោះទម្រាំតែភ្ញាក់ដឹងថាកូននៅក្នុងរថយន្ត វាបានយឺតពេលវេលាពីកន្លះទៅមួយម៉ោងហើយ។ ពេលនោះចម្ហាយត្រជាក់នៅក្នុងរថយន្ត ក៏អស់ ធ្វើឲ្យមានក្តៅហប់និងថប់ដង្ហើបដោយខ្វះអ៊ុកស៊ីហ្សែនដកដង្ហើម ទើបទុកឲ្យកូនស្លាប់បែបនេះ ៕
