ស្រីក្រមុំវ័យ២០ឆ្នាំបានស្លាប់ដោយលង់ទឹកនៅឆ្នេរសមុទ្រទីក្រុងឌូប៊ៃប្រទេសអារ៉ាប់ក្រោយពេលឪពុករបស់នាងរារាំងក្រុមជួយសង្គ្រោះដែលជាបុរសទៅជួយនាងខ្លាចបាត់បង់កិត្តិយសគ្រួសារ ។
ស្នងការរងប៉ូលិសទីក្រុងឌូប៊ៃលោកAhmed Burqibah បានឲ្យដឹងថា បុរសម្នាក់បាននាំប្រពន្ធនិងកូនទៅហែលទឹកនៅឆ្នេរសមុទ្រ ក្រោយមកកូនស្រីរបស់គាត់អាយុ២០ឆ្នាំក៏បានលង់ទឹកហើយស្រែកហៅឲ្យគេជួយ ។ ភ្លាមៗនោះក្រុមជួយសង្គ្រោះពីរនាក់បានរត់ទៅជួយនាងតែត្រូវឪពុករបស់នាងរារាំង ហើយថែមទាំងប្រតាយប្រតប់ជាមួយក្រុមជួយសង្គ្រោះទៀតផង។បុរសជាឪពុកបាននិងយាយថា ស៊ូទុកឲ្យកូនស្លាប់ប្រសើរជាងទុកឲ្យបុរសចម្លែកប៉ះរាងកាយកូនក្រមុំរបស់ខ្លួន ។
តាមប្រសាសន៍របស់ប៉ូលិសបានឲ្យដឹងថា បុរសដែលជាឪពុកដាច់ខាតមិនឲ្យបុរសចម្លែកប៉ះរាងកាយរបស់កូនស្រីខ្លួនឡើយខ្លាចខូចកិត្តិយស។ ក្រោយមកឪពុកគ្មានចិត្តរូបនេះក៏ត្រូវប៉ូលិសចាប់ខ្លួន។ចំណែកកូនស្រីដែលបានស្លាប់ដោយលង់ទឹកគួរឲ្យអាណិត ដែលជារឿងមិនគួរឲ្យកើតឡើងនោះឡើយ ដោយសារតែក្រុមអ្នកសង្រ្គោះនៅក្បែរនៅអាចជួយនាងបានគ្រប់ពេលវេលា ។
ប៉ុន្តែដោយសារតែកិត្តិយសគ្រួសារធំជាងកូនខ្លួនឯងបុរសដែលជាឪពុកគ្មានចិត្តអាណិតកូនស្រី ក៏ជ្រើសរើសទុកឲ្យកូនស្លាប់មិនឲ្យគេប៉ះរាងកាយឡើយ ៕
ប្រែសម្រួល៖ ម៉ែវ សាធី
