ភ្នំពេញ៖ នៅលើរបាយការណ៍សរសេរ ដោយដៃមានចំនួន២សន្លឹក ដែលមាន គេសង្ស័យថា ជាភាសាដ៏ពិតៗចេញពី បេះដូងមន្ដ្រីនគរបាលចរាចរណ៍ បានបង្ខំ ចិត្ដរៀបរាប់ពីអំពើពុករលួយ បញ្ហាបក្ខ ពួកនិយមរបស់នាយការិយាល័យនគរ បាលចរាចរណ៍ផ្លូវគោកនៃស្នងការដ្ឋាន នគរបាលរាជធានីភ្នំពេញ និងភ្ជាប់ជា មួយលោកស្នងការរងមួយរូបទទួលផែន នេះផងដែរ ។
នៅក្នុងលិខិតនេះ បានបញ្ជាក់ថា មេ ប៉ូលិសចរាចរណ៍កំពុងតែត្រូវប៉ាន់ ក្នុង នោះគេបានលើកជាភាសាចំអកថា “កម្មកររោងចក្រធ្វើការថែមម៉ោង បើក លុយពីថៅកែ ខុសប្លែកអីពីប៉ូលិសចរា ចរណ៍ធ្វើការថែមម៉ោងបង់លុយជូនមេ” ។ ហើយបានបញ្ជាក់យ៉ាងលម្អិតទៀតថា “កម្លាំងនគរបាលចរាចរណ៍ក្រុងចំនួន ៩០នាក់ ត្រូវបង់ប្រាក់ជូនមេ ក្នុងម្នាក់ៗ ១០០ដុល្លារ សម្រាប់១ខែ ។ ហើយកម្លាំង ធ្វើការថែមម៉ោងទាំង៣ផ្លូវមានចំនួន ប្រហែល៧០នាក់ ក្នុងម្នាក់ៗត្រូវបង់ជូន មេ៥០ដុល្លារសម្រាប់១ខែ ។
លិខិតដដែលនេះ បានលើកឡើងផង ដែរថា “បើនិយាយពីរឿងរថយន្ដធំចូល ក្រុង ដែលច្បាប់បានហាមឃាត់នោះ ខាងការិយាលយចរាចរណ៍ផ្លូវគោករាជ ធានីភ្នំពេញធ្វើបានល្អណាស់ គឺប្រធាន ការិយាល័យ១នាក់ ព្រមទាំងអនុប្រធាន ការិយាល័យ៩នាក់ ដាក់ខែរថយន្ដទាំង អស់នោះហើយ ។ អនុប្រធានការិយា ល័យទាំង៩នាក់ ពួកគាត់កំពុងតែអួត រថយន្ដដាក់គ្នារួមទាំងលោកស្នងការរង ម្នាក់ទៀត គឺលោកហេង ចាន់ធារី លំដាប់លេខ១ ដ៏ឆ្នើមខាងដាក់ខែរថយន្ដ ដាក់ខែស្ទើរគ្រប់ក្រុមហ៊ុនទៅហើយ ។ លិខិតនេះដែលគេសង្ស័យថា ចេញពីផ្ទៃ ក្នុងអង្គភាពបានលើកជាអំណះអំណាងថា កាលនៅមុនបោះឆ្នោតឆ្នាំ២០១៣បាន កន្លះខែ លោកហេង ចាន់ធាវី បានដៀល ដល់មន្ដ្រីប៉ូលិសថា “ពួកអាអត់ខួរ អាភ្នែកខ្វាក់ អាត្រចៀកថ្លង់ អាមាត់គ” សួរថា តើលោកឯងប្រធានការិយាល័យ មានលុយពីណាទិញផ្ទះ រហូតដល់៧០ទៅ ៨០ម៉ឺនដុល្លារ លោកឯងស្នងការរង ដែល ប្រសូត្រចេញពីមន្ដ្រីនគរបាលចរាចរណ៍ នោះ បានលុយពីណាទិញរថយន្ដ៣ទៅ៤ គ្រឿង ហើយទិញផ្ទះនៅបុរីតម្លៃ៤០ទៅ ៥០ម៉ឺនដុល្លារ?
ពាក់ព័ន្ធករណីនេះ លោកហេង ចាន់ធាវី ស្នងការរងនគរបាលរាជធានី ភ្នំពេញបានប្រាប់នគរវត្ដតាមទូរស័ព្ទ កាលពីព្រឹកថ្ងៃទី១៣ ខែសីហា ឆ្នាំ២០១៥ នេះថា “តាមពិតខ្ញុំមិនដែលនិងធ្លាប់ប្រើ ពាក្យទាំងអស់នេះទេ បើនិយាយ និយាយ មែនត្រឹមតែពាក្យថា ដើម្បីអនុវត្ដទៅ តាមសេចក្ដីជូនដំណឹងរបស់សាលារាជ ធានីភ្នំពេញ ថ្នាក់ដឹកនាំទាំងអស់ដែល យើងជាអ្នកអនុវត្ដច្បាប់ ត្រូវមានភ្នែក មានត្រចៀក យើងមានច្រមុះហិត ត្រូវ ធ្វើការងារអ្វីដែលសាលាារាជធានីភ្នំពេញ ដាក់ឱ្យយើង ។ លោកបន្ដថា យើងមាន ភ្នែក យើងមានច្រមុះ មានត្រចៀកបាន ឃើញដឹងឮអស់ហើយ រឿងអីយើងអនុវត្ដ ការងារមិនបាន ដូចជាណែនាំឱ្យគាត់ អនុវត្ដទប់ស្កាត់ការដឹកសំពីងសំពោង នេះជាដើមតែប៉ុណ្ណោះ” ។
ដោយឡែកលោកចីវ ហាក់ នាយការិយាល័យនគរបាលចរាចរណ៍ផ្លូវគោក រាជធានីភ្នំពេញ នគរវត្ដមិនអាចទាក់ ទងបានទេ កាលពីព្រឹកថ្ងៃទី១៣ ខែសីហា ឆ្នាំ២០១៥ ដោយទូរស័ព្ទត្រូវបានបិទ ។
លោកឧត្ដមសេនីយ៍ជួន សុវណ្ណ អគ្គស្នងការរងនគរបាលជាតិ និងជាស្នងការ នគរបាលរាជធានីភ្នំពេញបានប្រាប់នគរ វត្ដតាមទូរស័ព្ទថា “ខ្ញុំមិនទាន់បានដឹងរឿង នេះទេ បើមានមេត្ដាជួយសហការគ្នា ដើម្បីលុបបំបាត់ ។ ដោយលោកបញ្ជាក់ ថា ពេលនេះមិនអាចនិយាយបាន ព្រោះ កំពុងជាប់រវល់ជួបជាមួយស្ថានទូតអង់ គ្លេស” ។
លោកឧត្ដមសេនីយ៍ឯក រុន រ័ត្នវាសនាប្រធាននាយកដ្ឋាននគរបាលសណ្ដាប់ធ្នាប់ ពាក់ព័ន្ធក្នុងករណីនេះ លោកបានប្រាប់ នគរវត្ដតាមទូរស័ព្ទថា “បើមានករណី ប្រធានអង្គភាពយកលុយពីកូនចៅបែប នេះមែន គឺជារឿងខុសច្បាប់ ឬពុករលួយ ព្រោះបើតាមខ្ញុំដឹង ឯកឧត្ដមអគ្គស្នង ការនគរបាលជាតិលោកបានគិតគូណាស់ ដល់មន្ដ្រីអនុវត្ដច្បាប់ ក្នុងនោះមានទាំង គោលការណ៍ឧបត្ថម្ភផងដែរ ។ លោក បន្ដថា រឿងនេះ បើជាការពិតហើយត្រូវ បានថ្នាក់លើដឹង ប្រហែលជាឯកឧត្ដម អគ្គមិនអនុគ្រោះឡើយ” ។
នគរវត្ដមិនអាចទាក់ទងបានទេពី នាយឧត្ដមសេនីយ៍អគ្គស្នងការនគរបាល ជាតិ កាលពីព្រឹកថ្ងៃទី១៣ ខែសីហា ឆ្នាំ២០១៥ ដោយគ្មានលេខទូរស័ព្ទ ។ ហើយលោកឧត្ដមសេនីយ៍ឯកគៀត ច័ន្ទ ថារិទ្ធ អគ្គស្នងការរង និងជាអ្នកនាំពាក្យ អគ្គស្នងការនគរបាលជាតិ នគរវត្ដមិន អាចទាក់ទងបានទេ ដើម្បីសុំការបំភ្លឺ ពាក់ព័ន្ធភាពមិនប្រក្រតីរបស់នគរបាល ចរាចរណ៍រាជធានីភ្នំពេញ នាព្រឹកថ្ងៃទី១៣ ខែសីហានេះ ដោយទូរស័ព្ទចូលគ្មានអ្នក ទទួល ៕
ដោយ៖ សុខខេមរា
