រដ្ឋាភិបាលទីក្រុងវ៉ាស៊ីុនតោនបានព្រមានដល់ប្រទេសចិន ពីការបញ្ជូនក្រុមចារកម្មជាច្រើនទៅធ្វើសកម្មភាពសម្ងាត់នៅក្នុងទឹកដីអាមេរិកដើម្បីស្វែងរកជនជាតិចិនប្រព្រឹត្តល្មើសបញ្ចូនទៅស្រុកដើម្បីកាត់ទោសតាមច្បាប់ ។
សារព័ត៌មានThe New York Times បានដកស្រង់សម្តីមន្ត្រីអាមេរិកបញ្ចាក់ថា«យុទ្ធនាការប្រមាញ់ចចក»ជាផ្នែកមួយនៃរដ្ឋាភិបាលទីក្រុងប៉េកាំងក្នុងការបញ្ចូនជនល្មើសពីអាមេរិកទៅស្រុកចិនវិញទទួលទោសតាមផ្លូវច្បាប់ក៏ដូចជាដកហូតទ្រព្យសម្បត្តិដែលបានមកដោយអំពើពុករលួយ ។
ប៉ុន្មានសប្តាហ៍ចុងក្រោយនេះភាគីអាមេរិកបានព្រមានដល់ប្រទេសចិនជាច្រើនលើកដែលបានប្រើប្រាស់ក្រុមចារកម្មសម្ងាត់នៅក្នុងទឹកដីអាមេរិក។ចំណែកក្រសួងការបរទេសអាមេរិកមិនទាន់មានវិភាគអ្វីជុំវិញបញ្ហាខាងលើនៅឡើយទេ ។
ក្រុមចារកម្មដែលស្ថិតនៅក្រោមការគ្រប់គ្រងរបស់ក្រសួងសន្តិសុខជាតិចិន បានចូលទៅក្នុងទឹកដីអាមេរិកតាមរយញវីសាពាណិជ្ជកម្មឬទេសចរណ៍ ស្វែងរកជនល្មើសហើយបញ្ចូនទៅកាន់ប្រទេសចិនវិញដើម្បីកាត់ទោស។ យុទ្ធនាការរបស់ចិនគឺប្រើសង្គ្រាមចិត្តសាស្ត្រ ទៅលើសាច់ញ្ញាតិរបស់ជនល្មើសដែលរស់នៅក្នុងប្រទេសចិនក៏ដូចជាប្រើប្រាស់សាច់ញ្ញាតិបង្ខំឲ្យវិលត្រឡប់ទៅកាន់ប្រទេសវិញ ។
តាមតួលេខរបស់ក្រសួងសន្តិសុខជាតិចិនបានបង្ហាញឲ្យឃើញថា ចាប់តាំងពីឆ្នាំ២០១៤មក«យុទ្ធនាការប្រមាញ់ចចក»នៅក្រៅស្រុកបានបញ្ចូនអតីតមន្ត្រីពុករលួយចិនជាង៩៣០នាក់នៅគ្រប់ទិសទីជុំវិញពិភពលោកមកប្រទេសចិនវិញទទួលទោសទៅតាមបទល្មើដែលបានប្រព្រឹត្ត។ភាគច្រើនជនល្មើរដែលបញ្ចូនទៅស្រុកវិញពាក់ព័ន្ធនិងបទល្មើសពុករលួយ ៕
