ភ្នំពេញ៖ នៅយប់ថ្ងៃអាទិត្យ ទី២៧ ខែកញ្ញា ឆ្នាំ២០១៥នេះ ជាសបា្ដហ៍ទី៤ ដែលបេក្ខជន អ៊ាម វន្នី ត្រូវចូលខ្លួន ប្រកួតប្រជែងប្រឡងសមត្ថភាពមរត កសំនៀងក្នុងកម្មវិធី* Cambodian Idol របស់ស្ថានីយ៍ទូរទស្សន៍ហង្សមាស បន្ទាប់ ពីបេក្ខជនរូបនេះទទួលបានជ័យលាភីក្នុង សបា្ដហ៍ទី៣កន្លងទៅដោយបង្ហើរនូវបទ “ផ្ការីកក្នុងចិត្ដ” ជាបទចម្រៀងពីសម័យ ដើមរបស់អធិរាជសំឡេងមាស ស៊ិន ស៊ីសាមុត នោះ ។
បទ “ផ្ការីកក្នុងចិត្ដ” បេក្ខជន អ៊ាម វន្នី បានបង្ហើរដ៏ពីរោះយ៉ាងក្រអួនក្រអៅ កុំថា ឡើយថាតែទស្សនិកជនក្នុងនិង ក្រៅប្រទេសដែលត្រូវបានកំលោះរូប នេះអង្រួនចិត្ដឱ្យលង់និងសំឡេងប៉ុណ្ណោះ ទេ ក្នុងនោះសូម្បីតែ កញ្ញា ឱក សុគន្ធ កញ្ញា ដែលជាគណៈកម្មការមេប្រយោគ ប្រកបដោយរូបឆោមលោមពណ៌នោះ ក៏បានសារភាពថា “លង់…លង់ហើយ… លង់និងសំឡេងហើយនៅយប់នេះ”។ កញ្ញា ឱក សុគន្ធកញ្ញា បានធ្លោយពាក្យ នេះចេញពីបេះដូងដ៏ពិតប្រាកដមិនជិនណាយនិងពេលស្ដាប់សំឡេងដ៏ពីរោះ របស់កំលោះ អ៊ាម វន្នី ជាបេក្ខជនមក ពីខេត្ដបាត់ដំបងនោះ ។
កញ្ញាបាននិយាយសំដៅទៅកាន់បេក្ខ ជន អ៊ាម វន្នី ថា ៖ លង់និងសំឡេងហើយ នៅយប់នេះ… និយាយរួមទៅគឺទាំង អស់តាំងពីរបៀបនៃការតុបតែងខ្លួន ជា ពិសេសគឺសំឡេង ដែលធ្វើឱ្យខ្ញុំរំភើប និងជ្រួតជ្រាបនៃចម្រៀងមួយបទនេះ កាន់តែជ្រាលជ្រៅនៅពេលដែល វន្នី បានបកស្រាយមួយបទនេះ គឺនាងខ្ញុំ ពេញចិត្ដនឹងសំឡេងរបស់ វន្នី ខ្លាំង ណាស់… លង់និងសំឡេងរបស់ វន្នី នៅ*ក្នុងយប់នេះ ។
តាមពិតទៅ បេក្ខជន អ៊ាម វន្នី ពិត ជាមានទេពកោសល្យពីកំណើតក្នុងវិស័យ សិល្បៈទាំងនិពន្ធបទចម្រៀង ទំនុកច្រៀង បទភ្លេង រួមទាំងការប្រើពាក្យពេចន៍បាន ធ្វើឱ្យឆក់បេះដូងទស្សនិកជន តាមរយៈ ការនិពន្ធផ្ដិតជាប់នូវទិដ្ឋភាពការរស់នៅពិតៗរបស់ខ្លួនក៏ដូចជាទំនៀមទម្លាប់នៃការរស់នៅរបស់អ្នកទឹកដីខេត្ដបាត់ដំបងដែលជាជង្រុកស្រូវនះជាដើម ។
ទស្សនិកជនជាច្រើនបាននិយាយតៗ គ្នានឹងបានទុកនៅក្នុងដួងចិត្ដរបស់ខ្លួនថា “អ៊ាម វន្នី ពិតណាស់គេសមនឹងទទួល ជ័យលាភីជាម្ចាស់ពានរង្វាន់ Cambodian Idol ដ៏ពិតប្រាកដមែន” ។ បើទោះជារូប គេមិនអាចបង្ហាញសមត្ថភាពនៃមរតក សំនៀងឱ្យបានក្រអួនក្រអៅ ពីរោះរណ្ដំ ដូចអធិរាជសំឡេងមាស ស៊ិន ស៊ីសាមុត ឬក៏សិល្បៈអ្នកចម្រៀងចាស់ៗជំនាន់មុន ក៏ដោយ ប៉ុន្ដែសមត្ថភាព អ៊ាម វន្នី នា ពេលនេះអាចទទួលយកបានសម្រាប់ជា ការជួយបណ្ដុះបណ្ដាលបំពេញបន្ថែមពី អ្នកមានទេពកោសល្យដើម្បីឱ្យរូបគេ ក្លាយទៅតារាចម្រៀងអាជីពដ៏ល្បីនា សម័យថ្មីនៅក្នុងប្រទេសកម្ពុជា ។
សបា្ដហ៍ទី៣កន្លងទៅបន្ទាប់ពីកញ្ញា ឱក សុគន្ធកញ្ញា បានប្រើពាក្យយ៉ាង ស្រទន់ថាលង់និងសំឡេងហើយនៅយប់ នេះ…លង់ និងសំឡេងរបស់ វន្នី … វន្នី បានបកស្រាយមួយបទនេះគឺនាងខ្ញុំពេញចិត្ដនិង សំឡេងរបស់ វន្នី ខ្លាំងណាស់ ។ ក្រៅពីកញ្ញា ឱក សុគន្ធកញ្ញា គាំទ្រគឺ មានគណៈកម្មការ៣នាក់ទៀត គឺលោក ព្រាប សុវត្ថិ លោក ណុប បាយ៉ា់រិទ្ធ, និង លោក ឆន សុវណ្ណារាជ សុទ្ធតែបានស្ងើច សរសើរពីសមត្ថភាពរបស់បេក្ខជនរូប នេះដូចៗគ្នា ថែមទាំងជូនពរឱ្យ វន្នី បន្ដ ជាប់ៗនៅសបា្ដហ៍ក្រោយៗទៀត។
ថ្មីៗកន្លងទៅនេះបទចម្រៀងមួយបទ មានចំណងជើងថា “គន្ធបុប្ពាមហា សណ្ដោស” ត្រូវបាននិពន្ធដោយបេក្ខជន អ៊ាម វន្នី កាលពីថ្ងៃទី២០ ខែឧសភា ឆ្នាំ២០១៥មានន័យបម្រើជាប្រយោជន៍ រួមទៅដល់សង្គមហើយបទចម្រៀងនេះផងដែរបាននិយាយរៀបរាប់អំពីគុណ បុណ្យរបស់មន្ទីរពេទ្យគន្ធបុប្ពាដែលកំពុងរងនៅការខ្វះខាតត្រូវការជំនួយឧបត្ថម្ភ ពីមហាជនគ្រប់ស្រទាប់វណ្ណៈក៏ត្រូវបានកម្លោះ អ៊ាម វន្នី ប្រគល់ជូនជាអំណោយ ទៅដល់ខាងមន្ទីរពេទ្យគន្ធបុប្ពាជាផ្លូវការរួចហើយដែរ ។
ទស្សនិកជនក្នុងនិងក្រៅប្រទេស បាន ទន្ទឹងរងចាំដោយអន្ទះសាសម្រាប់ការ ចូលរួមគាំទ្រទៅកាន់បេក្ខជន អ៊ាម វន្នី នាយប់ថ្ងៃអាទិត្យ ទី២៧ ខែកញ្ញា ឆ្នាំ ២០១៥និងសបា្ដហ៍ក្រោយៗទៀតដើម្បីឱ្យ វន្នី ក្លាយជាម្ចាស់ពាន់រង្វាន់ Cam-bodian Idol របស់ស្ថានីយទូរទស្សន៍ ហង្សមាសដ៏ស័ក្ដិសមបំផុត ៕
ដោយ៖ សុខ ខេមរា
