ខេត្ដបាត់ដំបង៖ កំពូលកូនដ៏ល្អរក លេខដាក់គ្មានម្នាក់ ព្រោះតែខឹងនឹង ម្ដាយណែនាំស្ដីប្រដៅតិចតួចក៏យក សាំងចាក់ដុតផ្ទះឆេះអស់២ខ្នងបង្កឱ្យអ្នក ភូមិរត់ជាន់ជើងគ្នាកាលពីព្រឹកថ្ងៃទី២៥ ខែកញ្ញា ឆ្នាំ២០១៥ នៅភូមិកណ្ដាល ស្ទឹង ឃុំអណ្ដើតហែប ស្រុករតនមណ្ឌល ខេត្ដបាត់ដំបង ។
បើតាមអ្នកភូមិឱ្យដឹងថា កូនដែល ដុតផ្ទះខ្លួនឯងខានជ្រកនេះឈ្មោះ ង៉ែត ចំរើន ភេទប្រុស អាយុ២៦ឆ្នាំ រស់នៅ ភូមិកណ្ដាលស្ទឹង ឃុំអណ្ដើតហែប។ អ្នក ភូមិបានឱ្យដឹងទៀតថា កូនប្រុសដែល ដុតផ្ទះខាងលើនេះជាមនុស្សមើលទៅ ដូចជាមិនសូវគ្រប់ទឹកនិងមានសភាព ដូនជាមនុស្សកើតជំងឺសរសៃប្រសាទ។
បើតាមក្រុមគ្រួសារដែលរងអគ្គិភ័យ ភ្លើងឆេះផ្ទះនេះបង្ហើបថា នៅមុនពេល ហេតុម្ដាយបានស្ដីបន្ទោសឱ្យកូនបន្ដិច បន្ដួចកុំឱ្យធ្វើស្អីផ្ដេសផ្ដាសបន្ដទៀតនៅបន្ទាប់ពីម្ដាយបានដឹងថា កូនប្រុសម្នាក់ នេះទៅមានបំណងលួចគោគេហើយ ពេលបានដឹងដំណឹងនេះគាត់ក៏បានទៅ អង្វរនិងសុំលោះកូនមកផ្ទះវិញ។ លុះមុន ពេលកូនប្រុសដុតផ្ទះចោលគាត់បានស្ដី ប្រដៅកូនកុំឱ្យទៅធ្វើអ្វីផ្ដេសផ្ដាសទៀត ហើយប្រសិនបើនិយាយស្ដាប់គ្នាមិនបាន ទេនោះគាត់នឹងកាត់កាល់ចោល ព្រមទាំងឈប់ឱ្យនៅផ្ទះជាមួយថែមទៀត ។ ក្រោយពីរូបគាត់ជាម្ដាយប្រដែប្រដៅ ចង់ឱ្យកូនធ្វើអ្វីល្អៗរួចហើយនោះគាត់ក៏បានចេញពីផ្ទះទៅផ្សារដើម្បីទិញម្ហូប ខណៈនោះកំពូលកូនដែលរកលេខដាក់ គ្មាននេះបានយកសាំងចាក់ដុតផ្ទះឆេះ ខ្ទេចតែម្ដង ។
ប្រភពពីក្រុមគ្រួសារជនរងគ្រោះឱ្យ ដឹងទៀតថា នៅក្នុងគ្រោះអគ្គិភ័យនេះ មិនបានយកអ្វីនៅក្នុងផ្ទះបានបន្ដិចនោះ ទេ ហើយគ្រឿងសង្ហារិមមួយចំនួនធំ ព្រមទាំងសម្ភារផ្សេងៗរងការឆេះទាំង ស្រុងសរុបទឹកប្រាក់ប្រមាណជាង៦ម៉ឺន ដុល្លារអាមេរិក ។
ចំពោះករណីខាងលើនេះគេនៅពុំទាន់ ដឹងថា សមត្ថកិច្ចនឹងចាត់ការទៅលើ ជនបង្កអគ្គិភ័យដុតផ្ទះខ្លួនឯងយ៉ាងណា នោះទេ គ្រាដែលអ្នកភូមិមួយចំនួនធំ បានអះអាងថា ជនសង្ស័យជាមនុស្ស មានជំងឺសរសៃប្រសាទ។ ក៏ប៉ុន្ដែអ្នកភូមិ មួយចំនួនទៀតលើកឡើងថា បើជន សង្ស័យមានជំងឺសរសៃប្រសាទមែន នោះគេ(ជនសង្ស័យ)មិនចេះមានដៃ មានជើងនោះទេ ។
ដូច្នេះចង់មានជំងឺ សរសៃប្រសាទឬគ្មានជំងឺក៏ដោយសមត្ថកិច្ចត្រូវតែឃាត់ខ្លួនជនសង្ស័យទៅចាត់ការតាមផ្លូវច្បាប់ដើម្បីជៀសវាងបង្ក ហេតុផ្សេងៗធ្វើឱ្យប្រជាពលរដ្ឋនៅក្នុង ភូមិមានការភ័យខ្លាចនៅថ្ងៃអនាគត ៕
ដោយ៖ សហការី
