ខេត្ដស្ទឹងត្រែង៖ សមត្ថកិច្ចបានឱ្យ ដឹងថា ហាងខារ៉ាអូខេមួយកន្លែងយីហោ ស្រី ម៉ៅ មានទីតាំងក្នុងភូមិស្ពានថ្ម សង្កាត់ស្ទឹងត្រែង ក្រុងស្ទឹងត្រែង ខេត្ដ ស្ទឹងត្រែងមានជាប់ពាក់ព័ន្ធករណីគ្រឿង ញៀន បន្ទាប់ពីសមត្ថកិច្ចបានរកឃើញ ជាថ្មីទៀតអំពីអ្នកប្រើប្រាស់គ្រឿងញៀន ក្នុងបន្ទប់ខារ៉ាអូខេនោះ ។
លោកវរសេនីយ៍ទោ ដួង វិចិត្រ ប្រធានផ្នែកព័ត៌មាន និងសន្ដិសុខនៃ កងរាជអាវុធហត្ថខេត្ដបានឱ្យដឹងថា យ៉ាង ហោចណាស់បុរស៤នាក់ដែលមានអាយុចន្លោះពី១៩ទៅ២៥ឆ្នាំត្រូវបានសមត្ថ កិច្ចឃាត់ខ្លួនកាលពីយប់ថ្ងៃទី២៤ ខែកញ្ញា នៅក្នុងបន្ទប់លេខ៣នៃហាងខារ៉ាអូខេស្រីម៉ៅគ្រាដែលពួកគេកំពុងប្រើប្រាស់គ្រឿងញៀន ។ លោកថា នេះជាលើកទី២ ហើយដែលសមត្ថកិច្ចបានឆ្មក់ចូលបង្ក្រាបសកម្មភាពប្រើប្រាស់ និងចែកចាយគ្រឿង ញៀននៅទីនេះ ។
បើតាមសមត្ថកិច្ចបានឱ្យដឹងថា នៅ ហាងខារ៉ាអូខេស្រីម៉ៅនេះក៏មានជាប់ពាក់ព័ន្ធជាមួយរឿងអាស្រូវជាច្រើនទៀត ផងដែរ ក្នុងនោះមានការបាត់ម៉ូតូភ្ញៀវ ជាដើម ។ ប៉ុន្ដែយ៉ាងណាក៏ដោយស្ថាប័ន ជំនាញឬអាជ្ញាធរដែនដីហាក់ដូចជាពុំ មានវិធានការម៉ឺងម៉ាត់ឡើយ ។
គេរំពឹងថា អាជ្ញាធរមានសមត្ថកិច្ច មិនបណ្ដោយឱ្យហាងខារ៉ាអូខេនេះ បន្ដ ការងាររកស៊ីដែលលួចលាក់ការជួញ ដូរនិងប្រើប្រាស់ថ្នាំញៀនតទៅទៀតទេ ។ ពោលគឺត្រូវបញ្ឈប់ការរកស៊ីធ្វើអាជីវកម្ម ហាងខារ៉ាអូខេនេះទាំងស្រុងតែម្ដង ទើប ត្រឹមត្រូវ ៕
ដោយ៖ ហេង នរិន្ទ្រ
